E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

“Me 14 maj nuk kemi betejë të lehtë”/ Paloka tregon se përse e do Rama, Shkodrën

14 Janar 2023, 13:41, Politikë CNA

“Me 14 maj nuk kemi betejë të lehtë”/ Paloka tregon

Nga Shkodra ku ndodhej për të përkujtuar 33-vjetorin e demonstratës antikomuniste, Edi Paloka ka folur me tone të ashpra kundrejt kryeministrit Edi Rama.

Sipas tij, Shqipëria ka nevojë për Shkodrën, ka nevojë për djem dhe vajza që ta ndryshojnë historinë sepse sot për fat të keq kemi prapë në krye pinjollët e bllok.

“Jo rastësisht Edi Rama i ka mbledhur rreth vetes, ai është vetë një këlysh i bllokut, e ka për nder dhe krenari që është këlysh i bllokut. Pavarësisht se përpiqet herë pas here të ndryshojë historinë dhe të dalë sikur ka qenë protagonist i ndryshimeve por jo. Ka patur një grup aty brenda komunistëve ndër të cilët ishte edhe babai i Edi Ramës, anëtar i Presidiumit të Kuvendit Popullor që firmoste edhe në ’89 pushkatime poetësh”, ka thënë Paloka.

Sipas tij, ka patur një tentativë për ta mbajtur regjimin duke ndryshuar brenda vetes, duke ndryshuar gjoja atë pjesë injorante të byrosë politike dhe për të nxjerrë disa komunistë të rinj siç ishin këta i ati i Edi Ramës, Kiço Blushi apo ndonjë tjetër dhe për fat të mirë kjo tentativë dështoi.

“Regjimi u përmbys nga rinia. Sot jemi ende në kushte kur diktatura është kthyer në gjitha format e saj. Nuk na pushkatojnë më në kufi, as nuk na fusin në burgje për bindje politike por është e njëjta situatë. Kemi media por nuk janë të lira, janë nën dhunën e qeverisë. Kemi parti politike por ky mostër që është në krye të qeverisë ka për borxh deri edhe opozitën, edhe deputetë të opozitës, edhe ambasadorë, edhe ndërkombëtarët për të marrë gjithë këto pushtete në dorë. Ka më shumë pushtet se Ramiz Alia në atë kohë”, është shprehur më tej Paloka.

Deputeti demokrat është ndalur më pas tek zgjedhjet vendore, dhe lëvizjet e Ramës për të marrë Shkodrën.

“E shihni tentativën e fundit të tij, kërkon të marrë edhe Shkodrën, jo pa qëllim po i bën gjithë këto lëvizje, kërkon të thyej edhe bastionin e antikomunizmit për të çuar në vend një amanet të baballarëve të tyre.

Nuk është se i duhet një bashki më shumë, jo por me Shkodrën e ka kunjin pikërisht se është antikomuniste dhe kërkon ta rikthejë gjithë historinë mbrapsht për të thënë.

Me 14 maj nuk kemi betejë të lehtë, nuk është betejë thjeshtë për Shkodrën, jo, është shumë më shumë se aq. Nga Shkodra duhet të fillojë historia e komunizmit dhe diktaturës të re”, ka thënë Paloka./CNA.al