web counter
LEXO PA REKLAMA!

SHKARKO APP

App Store
Google Play

E fundit!

x

Agron Çela “nxjerr thonjtë” për të marrë Shkodrën/ Kundërpërgjigjet për herë të parë Meta

14 Janar 2023, 10:15, Politikë CNA

Agron Çela “nxjerr thonjtë” për të marrë

Kreu i PL-së Ilir Meta po tenton të bindë opinionin publik se e ka përtypur braktisjen e deputetit Agron Çela.

Ky i fundit, një ditë më parë u bënte ftesë qytetarëve shkodranë, që të mbeshtesnin mazhorancës në zgjedhjet e 14 majit.

Çela rikujtonte fitoret e LSI-së prej tij në Shkodër.

“Ne duhet ti japim shansin PS që ta drejtojë Bashkinë Shkodër, pas 30 viteve te drejtimit të PD-së, dhe te mos vazhdojmë me ngarkesa emocionale, që asnjë të mirë nuk i kanë sjellë Shkodrës! Mazhoranca qeverisëse ka përgatitur një pakete investimesh shumë të rëndësishme për Shkodrën, ndaj ne duhet te bëhemi mbështetësit e këtij ndryshimi duke votuar për kandidaturën e saj e krijuar një koalicion te fuqishëm me qytetarët për të punuar për Shkodrën”, shkruantë Çela një ditë më parë.

Në mbrëmje Ilir Meta në emisionin Çim Peka Live, deklarohej se mazhoranca e ka të humbur Shkodrën.

Madje sipas Metës, opozita do të fitonte 4 me 0 në qarkun e Shkodrës, pra do të merrte katër bashkitë.

"Sa i takon Shkodrës, mos harroni, edhe kur ishte e vetme, në 2019-ën PS humbi Shkodrën. I gjithë ky lajm i shpikur nuk është gjë tjetër veçse një panik i Edi Ramës për rezultatin që e pret në Tiranë, Durrës, Elbasan dhe gjithë Shqipërinë, por këto treja janë tre qendrat kryesore. Do shikoni lajme që kanë ikur tre herë nga LSI para 2-3 vitesh, do i nxjerrin sërish. Ky është paniku i tij sepse ata nuk kanë bilanc. Tani thonë do bëjmë namin për Shkodrën. Kush i ka penguar 10 vjet? Ishte Voltana Ademi që ka bërë një punë të shkëlqyer nën terrorin e këtyre. Shikoni Kavajën, e morën 100% dhe Kavaja është kthyer në një fshat të madh. Gjithçka ka ardhur në Tiranë, ka ikur nga Kavaja. Edhe Ujësjellës nuk ka. Kavaja është nga 5 bashkitë që u shpall e falimentuar nga Ministria e Financave. Kavaja çfarë resursesh ka dihet. Shkodrën nuk e mashtrjonë dot, Shkodra ka instiktet e saj të jashtëzakonshme dhe ia ve notën kujtdo. Qarku i Shkodrës, që ka 4 bashki, do të dalë 4:0. Qarku i Tiranës mund të dalë 5:0. Këto janë deklarata që ju i mbani dhe ruajini këtu. Politika është frymë, nuk është numra", tha Meta./CNA.al





Lajmet e fundit nga