web counter
LEXO PA REKLAMA!

SHKARKO APP

App Store
Google Play

E fundit!

x

Rama i thur lavde Kryeministrit të Malit të Zi/ ”Është fenomen“

13 Janar 2023, 12:39, Politikë CNA

Rama i thur lavde Kryeministrit të Malit të Zi/ ”Është

Kryeministri Edi Rama ka qenë i pranishëm ditën e sotme në ceremoninë e promovimit të librit të kryeministrit të Malit të Zi, Dritan Abazoviç, në Tiranë.

Rama e ka cilësuar Abazoviçin si një fenomen të politikës ballkanike dhe si të pakrahasueshëm. Sipas tij ai ka krijuar një hapësirë ku pavarësisht përkatësisë etnike njerëzit bashkohen si qytetarë të të njëjtit vend.

“Do ishte mungesë sinqeriteti t'ju thoja se e kam lexuar librin, s'e kam lexuar, por ka qenë një surprizë shumë e bukur. Se dija se Dritani ishte kaq thellë në këtë fushë dhe kaq serioz në këtë reagim. Unë jam këtu për t’ju thënë dy fjalë, të cilat nuk do të jenë dosmodoshmërisht për librin, por për autorin dhe shpresojmë se do t’ju ndihmojmë të jenë më të nxitur që të merrni dhe ta lexoni librin. Libri fillon me një copëz të shkëputur nga Fausti i Gëtes. Mishërimi i kësaj kredoje, i kredos së veprimit. Më duhet ta them që unë jam shumë i privilegjuar dhe kështu do të ndihet çdo njeri. Është një privilegj të jesh mik me një person, i cili është një fenomen në politikën ballkanike. Është një fenomen i veçantë dhe i pakrahasueshëm me askënd tjetër. Falë veprimit ka arritur të guxojë në diçka që unë nuk di dikë tjetër të ketë guxuar në krijimin e një lëvizje politike, e cila është përtej etike. Ka krijuar një hapësirë ku pavarësisht përkatësisë etnike njerëzit bashkohen si qytetarë të të njëjtit vend. Dritani përputh përmes veprimit sensin e tij etik ndaj problemeve të shoqërisë dhe së ardhmes duke u ngritur me shumë guxim përmbi dasitë dhe duke ndërtuar një urë”, u shpreh Rama./ CNA.al  





Lajmet e fundit nga