web counter
LEXO PA REKLAMA!

SHKARKO APP

App Store
Google Play

E fundit!

x

Vula dhe logoja e PD-së, “mollë sherri”/ Ngjela përplaset me Kason

12 Janar 2023, 23:02, Politikë CNA
Vula dhe logoja e PD-së, “mollë sherri”/ Ngjela
Ivi Kaso dhe Spartak Ngjela

Sekretari për çështjet ligjore në Partinë Demokratike, Ivi Kaso, ka debatuar mbrëmjen e sotme me avokatin Spartak Ngjela.

Shkak debati u bë gjyqi për vulën dhe logon e Partisë Demokratike. Kaso përmendi në emisionin “Top Story” faktin se grupi i “Alibashëve” nuk është paraqitur në seancat gjyqësore.

Gjithashtu, ai tha se grupi i “Alibashëve” kishin mundësinë t’i atakonin në gjyq, por nuk e bënë një gjë të tillë. Këtu Kaso u përball me Ngjelën, i cili kundërshtoi sekretarin për çështjet ligjore.

Pjesë nga debati:

Kaso: Është në proces administrativ një palë, që as nuk ka qenë përgjatë gjithë procedurës administrative… përkundrazi kur ka pasur shansin që të bëhej pjesë dhe të na atakonte neve të gjyq që i keni fallse ato firma, atë Kuvend e ata delegatë, ka refuzuar ta bëjë një gjë të tillë. Nuk e ka bërë asnjëherë. Përkundrazi, rezultatin e procedimit administrativ e ka hedhur.

Ngjela: Jo, ku jam unë nuk mund të shkelet ligji.

Kaso: Nuk po shkelet ligji fare, mos e bëj debat tani…

Ngjela: Nuk mund ta pranoj profanin që nuk di ç’është personi juridik. Partitë janë person juridik, nuk janë bakllava rrugësh. Njëlloj si kjo kompania, po të dal unë tani me logon e “Top Channel”, iki në burg. Një logo është e regjistruar në gjykatë, nuk mund të regjistrohet një tjetër.

Kaso: Po ndryshimet te personi juridik regjistrohen?

Ngjela: Nuk të dëgjuam të thoshe person juridik. Është Saliu person juridik? Nuk e ka njohur asgjë gjykatë. Ju lutem, merrni një avokat dhe silleni këtu, dua debat profesional.

Kaso: Nëse na flet për ligje anglosaksone, unë nuk e di çfarë ndodh në Angli.

Ngjela: Ju nuk e dini që partia duhet të jetë person juridik…/ B.A. - CNA.al





Lajmet e fundit nga