web counter
LEXO PA REKLAMA!

SHKARKO APP

App Store
Google Play

Paratë e vjedhura nga inceneratorët/ Berisha: Rozeta bashkëpunoi me Alda Klosin

13 Janar 2023, 12:29, Politikë CNA

Paratë e vjedhura nga inceneratorët/ Berisha: Rozeta bashkëpunoi

Kryedemokrati Sali Berisha ka deklaruar se paratë që Rozeta Dobi ka marrë i janë dhënë nga vetë Alda Klosi me mirëbesim pasi askush tjetër nuk dinte kodin e kasafortës për ta hapur atë përveç Klosit.

Ndër të tjera ai tha se ato para që u zbuluan i janë dhënë Dobit sepse janë paratë e vjedhura nga inceneratorët nga Edi Rama dhe Engjëll Agaçit.

“Ata që do shkruajnë skenarin e filmit në të ardhmen, e sigurt që po gjetën artistët, do marrin një çmim ndërkombëtar. Rozeta, hajdute apo thjesht iu dhanë ato para, për t’i mbajtur në mirëbesim.

Po të marrim variantin e kasafortës, kodin asaj nuk ia ka dhënë asnjë njeri përveç Alda Klosit. Magjistare e bëni ju Rozetën, që të dijë të zbërthejë kasafortat? Magjistare nuk ishte ajo, ishte pastruese.

Nëse është histori e eurove në dyshek, përsëri është bashkëpunim mes Aldës dhe Rozetës. Pse ndodhi ky bashkëpunim? Arben Ahmetaj është kandidat për në kokërr të burgut. Pas Edi Ramës dhe Engjëll Agaçit. Natyrisht, në universin e interceptimeve telefonike të tij, Alda dilte në radar.

Pra, pse unë u ndala në këto? U ndala sepse qeveria po bën gjithçka për të mashtruar qytetarët në këtë hetim. Se shifra 120 mijë u caktua nga qeveria për t’u thënë nga Alda. Kurse shuma e madhe në tubat e aspiratorit u zbulua rastësisht. Ato të gjitha janë paratë e Aldës, të Arben Ahmetajt, të Edi Ramës.

Ato janë paratë e djegësve. Edi Rama e ka shkarkuar atë vetëm pesë ditë, më datë 20, në mënyrë që ajo të mos largohej nga detyra si zyrtare e lartë.

Por, edhe njëherë, Rozeta ose duhet mbrojtur, ose duhet lënë e lirë. Paratë ajo i ka marrë në mirëbesim, siç del. Cili është ai që mund të thotë se Rozeta gjeti kodin? Nuk ka njeri që e beson këtë.

Nëse do kishte marrë një specialist për dekodimin, gjurmët do ishin aty, kamerat do tregonin gjithçka. A ka një gjë të tillë? Nuk ka një gjë të tillë.

Pra kemi të bëjmë me një bashkëpunim mes Aldës dhe Rozetës për të larguar paratë nga shtëpia e Aldës. Qoftë me kasafortë, qoftë me dyshek.

Fytyra e vërtetë e qeverisë është Alda, që vjen në Tiranë me një apartament 40 metër katrorë dhe përfundon me shtatë apartamente, troje, llogari. Kushedi sa ka në Dubai ajo nga kontot e Arben Ahmetajt.

Ka shpërthyer vjedhja për fushe, thotë populli”, është shprehur Berisha./ CNA.al





Lajmet e fundit nga