“Masakra e Reçakut, krim horror”/ Berisha “i vërsulet” Ramës: Je bërë vasal i Vuçiçit

15 Janar 2023, 17:25, Politikë CNA

“Masakra e Reçakut, krim horror”/ Berisha “i

Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka kujtuar masakrën e Reçakut, kur kanë kaluar 23 vite nga kjo ngjarje.

Me anë të një statusi në rrjetet sociale, Berisha thotë se në 15 janar të 1999-ës serbët kryen masakra horror duke vrarë, therur dhe masakruar gra, burra e fëmijë.

Ai kritikon edhe qëndrimin e kryeministrit Edi Rama, teksa pretendon se është vasal i shpifur i Aleksandër Vuçiçit, presidentit të Serbisë.

Kreu i PD-së përmend rezolutën që dënon genocidin serb në Kosovë, ndërsa thotë se Rama e ka bllokuar votimin e saj me urdhër të Vuçiçit.

“Masakra e Reçakut, krim horror”/ Berisha “i

“Masakra e Reçakut, krim horror kundër njerëzimit!

Edi Rama si vasal i Vuçiçit bllokon në Parlament rezolutën e dënimit të genocidit serb në Kosovë.

Miq, më 15 janar të vitit 1999 fallanga terroriste serbe kryen në Raçak të Kosovës një nga krimet më të shëmtuara, masakrat më horror të dëgjuar ndonjëherë. Terroristët serb vranë, therën, masakruan në një natë në fshatin Raçak 45 gra, fëmijë, burra vetëm e vetëm se i përkisnin etnisë shqiptare.

Viktimat e pafajshme të Raçakut u shndërruan në apelin e fuqishëm të shqiptarëve të Kosovës, në klithmën dhe kushtrimin e të rënëve nga barbaritë serbe dhe tronditën thellë ndergjegjen e shtetarëve dhe qytetarëve në vendet e lira dhe mbarë botën. Masakra e Reçakut i dëshmoi njerëzimit fytyrën mizore të Sllobodan Millosheviçit, geobelsit të tij Vuçiç dhe regjimit të tyre barbar.

Tragjike sot është se Edi Rama, ky vasal i shpifur i Aleksandër Vuçiç, bllokon me urdhër të padronit të tij prej një viti votimin në Parlament te Rezolutës së deputetëve të Partisë Demokratike për dënimin e genocidit serb në Kosovë.

Duke u përulur me nderimin më të thellë sot para viktimave të kësaj masakre të epsheve raciste shtazore serbe ndaj shqiptareve, ju bëjë thirrje OKB dhe qeverive të vendeve të vendosin para drejtesisë autorët, porositësit dhe organizatorët e Beogradit të kësaj masakre si dhe ata qe mohojnë krimin monstruoz ndaj banorëve të Reçakut dhe mbarë Kosovës.

Prandaj dhe duke ndarë dhimbjen e thellë me familjet dhe të afërmit e viktimave të masakrës së Reçakut, dënoj me forcën më të madhe si autorët e krimit monstruoz ashtu qëndrimin tradhëtar antikombëtar të Edi Ramës që ka shndërruar Shqipërinë në vend vasal të Beogradit.

Nderim përjetë viktimave të Reçakut”, shkruan Berisha./ B.A. – CNA.al