web counter
LEXO PA REKLAMA!

SHKARKO APP

App Store
Google Play

E fundit!

x

Do të zëvendësojë deputetin demokrat në Kuvend/ Emri, dhe sa vota mori në zgjedhjet parlamentare, 25 prill 2021

16 Janar 2023, 13:54, Politikë CNA

Do të zëvendësojë deputetin demokrat në Kuvend/ Emri,

Gëzim Ademaj pritet të bëhet pjesë e Kuvendit, pas lënies së mandatit nga deputeti demokrat.

Ademaj, i cili do të zërë vendin e Fation Veizit vjen nga radhët e PDIU-së. Në zgjedhjet parlamentare të 26 prillit 2021, ai ka marrë 3274 vota.

Fatjon Veizaj, deputeti i PD-së për qarkun e Vlorës ka dhënë sot dorëheqje, duke dorëzuar mandatin e marrë nga zgjedhjet e 25 prillit 2021.

Veizaj ka arsyetuar dorëheqjen me situatën në Partinë Demokratike.

Sipas tij as lidershipi dhe as deputetët e saj nuk po i përgjigjen interesit të demokratëve për ta bërë atë një forcë udhëheqëse, të respektueshme dhe fituese.

“Vala e re e përjashtimeve në Partinë Demokratike ishte e tepërt. Mund të jetë një vendim taktik në funksion të numrave në grup, por vendimi ul edhe me tepër besueshmërinë dhe seriozitetin për të ardhmen grupimit vendimmarrës.

Kanë plot të drejtë demokratet në zemërimin, zhgënjimin, madje edhe sarkazmin e tyre. Të treja këto ndjesi i kam përjetuar gjatë këtyre ditëve.

Në këtë kohë të trazuar për Partinë Demokratike, jam përpjekur të mos e ushqej përçarjen, të qendroj pranë zgjedhësve, të respektoj bindjet e tyre, por zhvillimet e fundit kanë treguar se ndarja në Partinë Demokratike është e pakthyeshme.

Duke refuzuar kategorikisht përjashtimet nga njëra anë, por dhe mënyrën e përdorur nga individë të caktuar në kërkim pushteti personal, pa respektuar dinjitetin e deputetëve të zgjedhur  dhe me pasojë thellimin e përçarjes nga ana tjetër, kam vendosur të heq dorë nga mandati i deputetit”, shkruan ai në rrjete sociale./CNA.al





Lajmet e fundit nga