E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Rama do t'i shesë Bashës "Avokatin e Popullit" për votat për amnistinë fiskale

16 Janar 2023, 15:07, Politikë CNA

Rama do t'i shesë Bashës "Avokatin e Popullit" për

Në çelje të sesionit të ri parlamentar po ravijëzohen pazaret e reja të Taulant Ballës me Grupin e Luli Bashës.

PS po nxiton të miratojë amnistinë fiskale para zgjedhjeve.

Projektligji i qeverisë është kundërshtuar deri dje nga opozita.

Kundër kanë dalë edhe institucionet ndërkombëtare, pasi sipas tyre ekziston rreziku që ligji të shërbejë për të pastruar paratë e krimit të organizuar.

Ambasadorja e BE-së, Christiane Hohmann, deklaroi para disa javësh se miratimi i një amnistie penale dhe tatimore kundër këshillës së BE-së dhe Moneyval do të rrezikonte progresin e Shqipërisë në luftën e saj kundër pastrimit të parave.

Nga ana tjetër skenari i dhjetorit sipas të cilit grupi i Bashës do të votonte fshehtas kandidaturën e Adrian Dvoranit në këmbim të votave të maxhorancës për shoferin e Enkeledit, dështoi.

"Viktima" Ardian Dvorani arriti të marrë vetëm 15 vota socialistësh.

Rama do t'i shesë Bashës "Avokatin e Popullit" për

Ardian Dvorani

Ndërkohë Balla vendosi të djegë në votim kandidatin e Salianjit dhe kërkoi ndjesë publike që shofeti i

Enkeledit nuk arriti të votohet si dhe e ftoi atë që te rikandidonte në raundin e rradhës.
Sot të 2 hallet kërkojnë sërish 84 vota.

Qeveria është e vendosur të miratojë amnistinë fiskale, madje para zgjedhjeve lokale dhe kjo pavarësisht kundërshtimit të ndërkombëtarëve.

Basha do që të mbajë Avokatin e Popullit me çdo kusht.

Palët kanë rënë dakord!

Sot kreu i grupit parlamentar të PS, Taulant Balla pas mbledhjes me Ramën, ka deklaruar se ligji i shumëdiskutueshëm mbi Amnistinë Fiskale do të miratohet brenda këtij sesioni parlamentar.

“Amnistia fiskale do miratohet brenda këtij sesioni.”, tha Balla.

Rama do t'i shesë Bashës "Avokatin e Popullit" për

I pyetur nëse i ka PS 84 votat që duhet për miratimin e tij, Balla the se mazhoranca do dialogojë për t’i siguruar votat. Me "dialog" Balla nënkupton ndonjë hall të opozitës që kërkon 84 vota. Si p.sh. Avokati i Popullit!

“Kemi diskutuar edhe për çështje të tjera që lidhen me mbështetjen në Kuvendin e Shqipërisë të një nisme të fuqishme që është Amnistia Fiskale apo edhe ligje të tjera të rëndësishme. Kuvendi i ka votat për të miratuar çdo ligj, unë nuk mendoj që është korrekte që të shprehem sot se deputetet e opozitës nuk e kanë lexuar ligjin për amnistinë fiskale. Ligji i bën mirë ekonomisë së vendit. Mos u nxitoni se nuk janë votat. Ligji për amnistinë nuk bëhet me procedurë të përshpejtuar. E rëndësishme që do të miratohet në këtë sesion.

Avokati i Popullit kërkon 84 vota. As ne nuk i kemi votat për ta zgjedhur e sikurse do dialogojmë për të siguruar mbështetjen për ligjin për Amistinë Fiskale e njëjta duhet të ndodhë dhe nga krahu tjetër për të siguruar votat për Avokatin e Popullit”, u shpreh ndër të tjera Balla.

Më shqip se kaq nuk bëhet./CNA.al