LEXO PA REKLAMA!

SHKARKO APP

“Babalja” bën rolin e të përgjegjshmit/ Do t'i japim zgjidhje krizës në PD

16 Janar 2023, 16:14, Politikë CNA
“Babalja” bën rolin e të përgjegjshmit/ Do t'i
Deputeti Ervin Salianji

Deputeti Ervin Salianji, i cili njihet ndryshe si “Babalja”, ka bërë sërish rolin e të përgjegjshmit për të justifikuar intrigën e tij në PD.

Në një prononcim për mediat, Salianji u pyet për mbledhjen e firmave nga ana e tij për të shkarkuar Enkelejd Alibeajn si kreun e Grupit Parlamentar të PD-së.

“Babalja” tha se gjithçka po bëhet për të zgjidhur ngërçin në PD, ndërsa përsëriti edhe njëherë se është i gatshëm për të lënë mandatin që të zgjidhet kriza.

“Do të arrihet në një konkluzion të caktuar për të arritur një bashkim. Më shumë se 60% e deputetëve, janë pro kësaj, për shkak të një vendimi që është arbitrar, siç është përjashtimi për një mendim ndryshe. Jemi në një kohë të diskutimit brenda PD-së për të pasur një diskutim më të gjerë, bëhet fjalë për të gjetur një zgjedhje për ngërçin. Nuk ka maska, do ecim për t’i dhënë zgjidhje. Të gjitha funksionet janë në diskutim, se si do të jetë vendimi i shumicës, unë e kam thënë se jo vetëm që marr përgjegjësinë në një moment krize, por jam i gatshëm dhe të lë mandatin që të bashkohet PD-ja. Në mënyrë që PD të mos kthehet në një parti e cila merr vëmendjen mediatike dhe zhvendoset nga skandalet e Qeverisë. Kemi qenë në diskutime për të bashkuar PD, nuk ka pasur një vendimmarrje për përjashtim, duket si një stërkëmbësh për të përçarë PD-në”, theksoi Salianji./ B.A. – CNA.al

Lajmet e fundit nga