LEXO PA REKLAMA!

SHKARKO APP

Gjuha e Ramës në Kuvend/ Shehi: I pari që poshtëron shtetin, teatër për të trembur deputetët e tij

11 Nëntor 2022, 21:40, Politikë CNA
Gjuha e Ramës në Kuvend/ Shehi: I pari që poshtëron shtetin,
Foto ilustruese

Kreu i LZHK-së, Dashamir Shehi ka komentuar debatet e fundit në Kuvend, dhe gjuhën e përdorur ndaj deputetëve të kryeministrit Edi Rama.

I ftuar në emisionin Radari Informativ, Shehi tha se është Rama ai që e ka sjellë këtë fjalor në Kuvend, ndërsa shtoi se kështu kryeministri poshtërim për shtetin e tij.

 “Fatkeqësisht këtë punë e ka prishur zoti Rama. Ky e ka zbritur në këtë nivel të rëndom, në zhargonin e  rrugës. Ky është slangu i një rrugaçi dhe e ka për mburrje. Këtë fatkeqësisht mund ta përdorin edhe deputetët, që bëjnë gabim që e përdorin. Mirëpo deputeti është deputet, por ky është kryeministri i vendit. Ky na përfaqëson, sonte është ulur në Paris, po flet me Macron. A e dinë ata çfarë ka thënë ky? Nuk mund të flasë ky ashtu, duhet ta kontrollojë veten, sepse detyra e bën të tillë. Je ti i pari që poshtëron shtetin tënd, kundërshtarin. Këtë punë ka bërë 9 vjet me radhë, mirëpo tani i doli nga fundi i shpirtit dhe kanë filluar ta kuptojnë dhe ata të vetët.

Shehi vijoi më tej, duke thënë se reagimi i kryeministrit është një teatër për të trembur deputetët e tij , për tu treguar se çfarë ju bën shefi i tyre nëse i dalin kundër.

“E ka teatër. Çdo popull atë që meriton ka në krye, duket si e rëndë dhe reaksionare, por kjo është e vërteta. Ky e bën për të trembur deputetët e vet, se opozita nuk trembet më aty. U thotë “e shikoni ç’bën shefi po ti dalësh kundër, sepse të vetët ngrenë dorën për 10 vjet. Ke parë ndonjë socialist të kundërshtojë?  Ky u turret të vetëve. Ai e di fort mirë që Paloka nuk tërhiqet se po e heq ky 10 ditë nga parlamenti. Ata që janë atje e dinë që po vidhet Shqipëria, e dinë që është sistemi më i korruptuar dhe prapë nuk reagojnë”, tha Shehi./ CNA.al

Lajmet e fundit nga