LEXO PA REKLAMA!

SHKARKO APP

Shfrenim i fjalorit dhe "kërcënime"/ Çfarë ju shpëtoi nga sherri në Kuvend

11 Nëntor 2022, 16:05, Politikë CNA

Shfrenim i fjalorit dhe "kërcënime"/ Çfarë ju

Ditën e djeshme në Kuvend ka pasur debate të forta mes kryeministri Edi Rama, dhe dy deputetëve të Partisë Demokratike, Edi Paloka dhe Bujar Leskaj.

Ky debat është zhvilluar gjatë seancës parlamentare, ku po votohej projektbuxheti i vitit 2023.

Kryeministri dhe deputetët hodhën akuza kundrejt njëri-tjetrit për përdorimin e alkoolit dhe drogës.

Debati i plotë në seancën e djeshme

Edi Paloka-Ramës: A e ndërrove pjatën, e ndërrove pjatën.

Edi Rama: Ti je i pirë, ik pi raki.

Bujar Leskaj ndërhyn edhe i flet Edi Palokës.

Edi Rama: Bujar, po ti çfarë ke që flet, pse ndërhyn?

Bujar Leskaj-Edi Ramës: Po ti ç’ke që bën si i fortë?

Edi Rama: Pse të fola unë ty apo ti mua?

Bujar Leskaj: Siiiiii?

Edi Rama: Të fola unë ty apo ti mua?

Bujar Leskaj: Unë i fola Edit nuk të fola ty, se nuk më rruhet fare për ty.

Edi Rama tund kokën dhe pi ujë.

Bujar Leskaj: Ç’ma luan kokën. Pi mall të mirë, pi mall të mirë.

Edi Rama: Ik e ha ndonjë kërmë.

Bujar Leskaj: Kërma e satëme. Unë nuk e di se çfarë…

Edi Rama: Ta tregoj unë ty, do të shkatërroj. Ju jeni pa fe, pa atdhe.

Paloka i afrohet Ramës, afrohen edhe efektivët e Gardës.

Paloka: O legen kujt i bën presion ti. Ty të njeh e gjithë Tirana që je legen mo. O i pafytyrë, o b.q. se këta nuk të njohin ty, por unë të njoh shumë mirë se kush je.

Rama: Ju të dy jeni tapë po ikni që këtu.

Paloka: Jemi ne tapë? Po ti e ndërrove pjatën ti? E more vizën tjetër?

Rama: Ti je tapë edhe kur je mirë mo.

Rama- Nikollës: A ka mundësi të dalin jashtë këta të dy?

Bardhi: Po ti kush je ti që jep urdhra?

Kujtojmë se pas këtij debati, 7 deputetë të Partisë Socialiste i drejtuan një kërkesë Sekretariatit për Procedurat, Votimet dhe Etikën, për vlerësimin, që dy deputetët të parjashtohen nga parlamenti për një periudhë 10-ditore. Kërkesa u pranua.

Sakaq, dy deputetët kanë sqaruar se ata nuk ishin të pirë, por ishin të revoltuar nga fjalori që përdori kryeministri kundrejt deputetëve të opozitës një ditë para përplasjes së djeshme./CNA.al

 

Lajmet e fundit nga