web counter
LEXO PA REKLAMA!

SHKARKO APP

App Store
Google Play

E fundit!

x

“Për pak u deha dhe unë”/ Rama ofendon sërish Palokën dhe Leskajn: Janë bedelë, të pafe

10 Nëntor 2022, 22:19, Politikë CNA
“Për pak u deha dhe unë”/ Rama ofendon sërish
Kryeministri Edi Rama

Kryeministri Edi Rama ka shpërthyer sërish në ofendime ndaj deputetëve të Partisë Demokratike, Edi Paloka dhe Bujar Leskaj.

I pyetur nga gazetarët se si e dalloi që Paloka dhe Leskaj ishin të dehur, Rama tha se për pak po dehej dhe ai nga era e alkoolit.

Kreu i qeverisë i quajti deputetët bedelë, të pafe dhe të paatdhe.

"Nuk kam njohur asnjë të dehur që të pranojë se është i dehur. Ata janë bedelë. Me kuptimin e plotë të kësaj fjale. Janë bedelë se sot është dita për t'i thënë përgjigje një pyetje; pse paratë ruse u derdhën te kjo parti për të rrëzuar qeverinë e këtij vendi? Besoj se edhe për një parti të opozitës, qeveria duhet të jetë më e rëndësishme se paratë ruse dhe në këtë moment kur askush nuk çohet dhe thotë që 'ky është një trup që ka bërë PD, jam këtu, ‘kisha dijeni, më vjen keq që nuk e besova këtë gjë, kërkoj falje që kam thënë se është komplot i Sorosit me Ramës, se tani është fakt, kështu që për këto arsye, unë ndihem keq dhe distancohem', nuk e bëri asnjë, jo se kanë marrë para, por se janë bedelë dhe kur nuk e ka kapacitetin moral, për të vënë interesin e vendit vet mbi bedelizmin, është një i pafe, një i paatdhe. Ju gjykoni sa etik apo jo është fjalori im. E dallova që ishin dehur se për pak u deha dhe unë nga alkooli që kishin pirë. Vetëm të dehurit mund të flasin me atë gjuhë në mes të një mexhelisi që quhet Kuvend”, tha Rama./ B.A. - CNA.al





Lajmet e fundit nga