web counter
LEXO PA REKLAMA!

SHKARKO APP

App Store
Google Play

E fundit!

x

Video- Garda rrethoi foltoren/ Momenti i sherrit Rama-Paloka, ja pse u përjashtuan deputetët

10 Nëntor 2022, 16:00, Politikë CNA

Video- Garda rrethoi foltoren/ Momenti i sherrit Rama-Paloka, ja pse u

Seanca e sotme parlamentare është shoqëruar me momente tensioni.

Qeveria ka kërkuar përjashtimin 10-ditor të deputetëve Edi Paloka dhe Bujar Leskaj, me arsyetimin se ata kanë ardhur të dehur në seancë dhe kanë përdorur fjalor të papërshtatshëm.

Ky vendim ka ardhur pas një konflikti që dy deputetët kanë pasur me kryeministrin Edi Rama, i cili ka sjellë edhe ndërhyrjen e gardës.

Gjithçka ka ndodhur në momentin kur seanca plenare u ndërpre, që teknika të përgatitej për votimin e tri projektligjeve të paketës fiskale për buxhetin e vitit 2023.

Në pamjet e publikuara shihet momenti kur garda ka rrethuar foltoren. Kryeministri po qëndronte i ulur në karrigen e tij, ndërsa Paloka ka debatuar ashpër me të.

Pasi Paloka u ul në vendin e tij, ka qenë kryeministri Rama ai që i ka kërkuar kryeparlamentares Lindita Nikolla që dy deputetët të nxirren jashtë Kuvendit.

Rama: A ka mundësi që këta të dy të dalin jashtë, të përjashtohen?

Nikolla: Një sekondë...

Kujtojmë se dy deputetët e PD-së, Edi Paloka dhe Bujar Leskaj, janë përjashtuar për 10 ditë nga Kuvendi.

Në njoftimin e Kuvendit thuhet se dy deputetët kanë qenë nën efektin e pijeve alkoolike dhe se kanë bërë veprime të pasjellshme në seancë gjatë votimit për projektbuxhetin e vitit 2023.

“Kuvendi i Shqiperise bazuar në Rregulloren e vet do të marrë masa disiplinore me përjashtim 10-ditor nga punimet, për deputetet Edi Paloka dhe Bujar Leskaj. Për shkak të konsumit të pijeve alkoolike, dy deputetet bënë veprime të pahijshme dhe përdorën një fjalor banal gjatë procesit të votimit.” – njoftoi Kuvendi./CNA.al

 





Lajmet e fundit nga