web counter
LEXO PA REKLAMA!

SHKARKO APP

App Store
Google Play

"Nuk kam qenë i dehur"/ Reagon Edi Paloka

10 Nëntor 2022, 15:08, Politikë CNA

"Nuk kam qenë i dehur"/ Reagon Edi Paloka

Edi Paloka ka reaguar lidhur me kërkesën e Partisë Socialiste për të marrë masë disiplinore ndaj tij, me pretendimin se ai së bashku me Bujar Leskajn ishin të pirë.

Ai është shprehur se nuk ka qenë i pirë, por i revoltuar.

Duke qenë se nuk ishte i pranishëm në seancën e djeshme parlamentare Paloka u shpreh se e kishte si detyrim që t’i kujtonte Edi Ramës “se kush është”, dhe se nuk mund të lejonte që kryeministri t’i ofendonte kolegët e tij demokratë në atë mënyrë ditën e djeshme.

 “Absolutisht nuk kemi qenë të dehur. Por kemi qenë të revoltuar absolutisht po. Unë nuk isha në seancën e ditës së mërkurë, kur Edi Rama përdori një gjuhë rrugaçi në Parlament, ndaj kolegëve të mi parlamentarë.”

Sot kur ai hyri në seancë për votimin, thjesht gjeta mundësinë t’i kujtoja kush ka qenë dhe kush është. Mbase nga ata deputetë që janë në Parlament, e njoh pak më shumë Edi Ramën që kur ka qenë i ri dhe nuk mund t’i lejoj vetës dhe demokratëve të na fyejë një njeri si ai. Është më minimalja që mund të bëj për demokratët të çoj nderin dhe dinjitetin e tyre në vend”, u shpreh Paloka për "ABC"./CNA.al

 





Lajmet e fundit nga