Ping-pong me Primaret/ Eleina Qirici tërhiqet nga tërheqja

10 Nëntor 2022, 12:04, Politikë CNA

Eleina Qirici, ish-deputete e Partisë Demokratike, bashkuar me grupin e Foltores të doktor Sali Berishës, ish-zëvendësrektorja e Universitetit të Korçës, pedagoge, e lakuar si një nga emrat e preferuar të demokratëve për t’u futur në garën e Primareve, ka mohuar kandidaturën.

Me anë të postimeve në rrjetet sociale, Qirici po luan ping-pong me Primaret. Me 8 nëntor Qirici po në rrjete sociale, ka thënë se nuk do të jetë kandidate.

“Falenderoj me mirënjohje dhe respekt secilin prej jush që më ka propozuar në strukturat politike të Partisë Demokratike Dega Korç?, si kandidate për Primaret e Kryetarit të Bashkisë!

Falenderoj me mirënjohje dhe respekt secilin prej jush që më keni shkruar apo telefonuar për t’ju përfaqësuar në këtë garë! Ju vlerësoj maksimalisht! Por, dua të ndaj me ju vendimin tim për të mos kandiduar për Kryetar Bashkie të Korçës.

Korça duhet tu kthehet banorëve të saj, ti jepet FUND tenderave korruptive dhe gllabërimit të pronave / mjediseve në kundërshtim me interesin e komunitetit.

Referendumi lokal është domosdoshëri! Ndaj do të jemi bashkë në këtë proces për të siguruar një garë dinjitoze në primare dhe fitoren e forcës sonë politike!12 Nëntor tek Kryeministria”, shkruante me 8 nëntor Qirici.

Më pas këtë postim e ka fshirë nga rrjetet sociale.

Dy ditë pasi e ka fshirë postimin, sot ka dalë me një tjetër deklaratë, ku shkruan se nuk ka tërheqje, pasi nuk ka plotësuar dokumentacionin për të garuar.

Dhe më tej gjithçka e lënë të hapur dhe brenda dy ditësh edhe mund të garojë, deri në përfundim të procesit me datën 12.

“Në respekt të opinionit publik dhe për të saktësuar lajmin e dhënë nga mediat, sqaroj:

Nuk ekziston tërheqje nga gara e primareve për kandidat për Kryetar Bashkie nga ana ime, pasi unë nuk jam pjesë e kësaj gare.

Nuk kam plotësuar dokumentacion për të qenë pjesë e primareve, rrjedhimisht as nuk i kam tërhequr ato nga Dega e PD , proces që mbyllet në datë 12 nëntor.

(plotësimi dhe dorëzimi i dokumentacionit pranë degës së PD Korçë për kandidatët që do jenë në garë për primaret).

Këtë fakt e kam bërë publik në rrjetin social, në datë 8 nëntor, ku kam shprehur dhe falenderimin dhe mirënjohjen për secilin që ka besuar tek unë për të qenë kandidate për Kryetare Bashkie.

Ju falemnderit për mirëkuptimin”, shkruan Qirici.

Eleina Qirici dhe Ledian Aliolli janë dy nga pretendet për garën në Bashkinë e Korçës, të cilat më shumë se sa kandidate, përkëdhelen dhe presin ftesën nga Tirana

Nuk vlerësojnë mbështetjen e qytetarëve korçarë dhe demokratëve të Korçës, por kërkojnë t’ua “lypë” kreu i PD-së, Sali Berisha./CNA.al