web counter
LEXO PA REKLAMA!

SHKARKO APP

App Store
Google Play

E fundit!

x

Balla i përgjigjet Berishës/ Kërkon përballje me dokumente

9 Nëntor 2022, 18:15, Politikë CNA
Balla i përgjigjet Berishës/ Kërkon përballje me dokumente
Kreu i Grupit Parlamentar të PS-së, Taulant Balla

Kreu i Grupit Parlamentar të PS-së, Taulant Balla, i është përgjigjur me akuza kryetarit të Partisë Demokratike, Sali Berisha, i cili tha se Qeveria i ka marrë ryshfet Italisë për të votuar për ekspozitën botërore të vitit 2030.

Gjatë fjalës në Kuvend, Balla e cilësoi Berishën si tradhtar. Sipas tij, kreu i PD-së futet tek ai grup njerëzish që i kanë bërë keq Shqipërisë sa herë kanë pasur mundësi.

Gjithashtu, kreu i Grupit Parlamentar të PS-së u ndal edhe njëherë te financimet ruse, ku kërkoi përballje me dokumente me Berishën.

“Personi që sapo foli është personifikimi më kuptimplotë i tradhtarëve në 110 viteve të fundit të Shqipërisë. Ky njeri futet tek ata që ku kanë pasur mundësi, i ka bërë keq Shqipërisë. Sa herë Shqipëria dhe shqiptarët kanë pasur një çështje të madhe, gjithmonë ka qenë në krahun tjetër Berisha që ka bërë çdo gjë për të tradhtuar Shqipërinë që në 92-shin. Kur Kosova ndodhej në Rambuje, Saliu bënte protesta. Kur shqiptarët i kanë sytë në Kosovë, Saliu paralajmëron protesta e në thirrje për dhunë. Ndërsa Putini i ka shpallur luftë Europës Berisha flet me të njëjtën gjuhë me Lavrovin. Brenda PD nga ajo që ka mbetur, të ngrihet një pyetje si ka mundësi që, CIA struktura e inteligjencës më e madhe në botë thotë se PD është financuar me 600 mijë dollarë me fatura dhe natyrshëm me kompani guackë.

Një gjë është e sigurt, që ju nuk keni lidhje, ju që jeni në sallë. Shkoj te momenti kur Doland Lu i çoi përpara dosjes e Saliu iku me vrap. A i kanë treguar që Berisha është personi i lidhjes mes PD dhe financimeve ruse. Jam i gatshëm nëse ai ka burrëri të përballemi me këto dokumente që ne i kemi. Sesi Berisha është pjesë e banderolës ruse, theu embargon të OKB kundër Sllobodan të Millosheviçit me naftë kontrabandë për të vrarë boshnjakët”, theksoi Balla./ B.A. – CNA.al





Lajmet e fundit nga