web counter
LEXO PA REKLAMA!

SHKARKO APP

App Store
Google Play

E fundit!

x

"Porti i Durrësit, megaaferë korruptive"/ Berisha: Rama ka Zot paratë që vjedh me Vuçiçin

9 Nëntor 2022, 13:07, Politikë CNA

"Porti i Durrësit, megaaferë korruptive"/ Berisha: Rama ka

Kreu i Partisë Demokratike, Sali Berisha, u është përgjigjur akuzave të Edi Ramës, ku shprehet se kryeministri është bashkëpunëtor me presidentin e Serbisë, Aleksandër Vuçiç.

Në një prononcim për gazetarët, Berisha shprehet se Porti i Durrësit është afera më e madhe që Rama po bën në bashkëpunim për Vuçiçin dhe Lukashenkon.

"Është afera më e madhe në të cilën bashkohen Aleksandër Vuçiç, Edi Rama dhe Aleksandër Lukashenko. Epiqendra e kësaj afere janë vëllezërit Karriç, të cilët janë të mirënjohur, si portofoli i Aleksandër. Kompanitë e Dragomirit, Nebojshës, dhe të gjithë familjes Karriç, kanë qenë kompanitë mbizotëruese në Bjellorusi dhe Beograd, këto kompani janë sanksionuar ashpër nga gjitha bota e lirë. Poseduesit e ballit ujor të Beogradit shitën kompanitë e tyre që i kishin të regjistruara në Qipro. Ky trasaksion ishte formal, i mori të gjitha Amari i Edi Ramës. Kështu ndërtuesit e vërtetë janë vëllezërit Karriç. Këtu del edhe një nga lidhjet më të fuqishme të Edi Ramës, e cili ka për flamur, flamurin e Beogradit, ka për atdhe Serbinë, dhe ka për zot paratë që vjedh me Vuçiçin. Pasi afera djegëse, nuk është as një e dhjeta e Portit të Durrësit. Ndaj ai flet e ia mbath dhe vjen në parlament i kaladjegur nga droga. E vërteta është se për çdo aferë do të përballet me drejtësinë veçanërisht pas kalimit të ligjit për heqjen e parashkrimit për qeveritarët. Sigurisht që fjalën më të fuqishme e kanë qytetarët më 12 nëntor"- u shpreh Berisha./CNA.al





Lajmet e fundit nga