web counter
LEXO PA REKLAMA!

SHKARKO APP

App Store
Google Play

"Fitova gjyqin për shpifje"/ Zbulohet se për kë e kishte fjalën Rama

9 Nëntor 2022, 12:34, Politikë CNA

"Fitova gjyqin për shpifje"/ Zbulohet se për kë e

Kryeministri Edi Rama sot gjatë fjalës së tij në Kuvend, njoftoi se ka fituar një gjyq për shpifje ndaj një opozitareje të Foltores, lidhur me kontrollin bazë mjekësor “Check Up”.

Rama nuk e përmendi emrin e personit, por iu drejtua me termin “bedela”.

“Kam fituar një tjetër gjyq me shpifjet tuaja dhe shpifësit tuaj. Në këtë rast me një shpifëse të foltores për kontrollin mjekësor bazë dhe është dënuar si shpifëse. Nuk po ia përmend emrin se ju jeni të gjithë njësoj jeni të gjithë bedela, bishti i 'non gratës'”, tha Rama.  

Por për kë e kishte fjalën kryeministri?

Në fakt bëhet fjalë për një ngjarje të ndodhur në 18 dhjetor të 2018-ës, kur kryeministri Edi Rama bëri një “check-up”.

Ka qenë deputetja Albana Vokshi, e cila e akuzoi kryeministrin se po gënjente për shifrat e “chec up"-eve, duke lënë të nënkuptohej se ai konsumonte kokainë.

 “Në vend që të japë dorëheqjen për dështimin me turp të 'check up'-it, Edi Rama jep shfaqje në mbrojtje të koncesionit të vet më korruptiv prej 120 milionë eurosh. Pavarësisht manipulimeve, shantazheve dhe kërcënimit të mjekëve, vetëm 27% e shqiptarëve e kryejnë 'check up'-in. Partia Demokratike do ta anulojë këtë koncesion korruptiv që është baza e degradimit të sistemit shëndetësor. Paratë e përfituara në kundërshtim me ligjin nga sponsorizuesja e Edi Ramës, Vilma Nushi, do t’u kthehen qytetarëve me investime serioze që i shërbejnë realisht shëndetit të qytetarëve. p.s. Nëse epruveta me kampionin e gjakut të Edi Ramës, nuk është marrë mbrapsht, uroj që të mos ketë gabime. Jo pak burra kanë dalë shtatzëne nga 'check up'-i. Fati i keq i ndonjë tjetri, se nga analizat e gjakut, mund të rezultojë me dozë të lartë kokaine”, shkruante Vokshi.

Pas kësaj deklarate kryeministri Edi Rama paditi për shpifje deputeten Albana Vokshi, dhe ditën e djeshme gjyqtari Dritan Caka, kishte pranuar padinë e tij, duke i kërkuar Albana Vokshit që të pagujë një shumë prej 100.000 leke (te reja) shpërblim demi jopasuror./CNA.al

 





Lajmet e fundit nga