web counter
LEXO PA REKLAMA!

SHKARKO APP

App Store
Google Play

E fundit!

x

"Po dëmtoni imazhin e vendit"/ Xhafaj dënon ashpër fjalorin e përdorur në Kuvend

10 Nëntor 2022, 12:30, Politikë CNA

"Po dëmtoni imazhin e vendit"/ Xhafaj dënon ashpër

Ish-ministri i Drejtësisë, Fatmir Xhafaj, gjatë fjalës së tij në seancën e sotme parlamentare, ka folur lidhur me fjalorin fyes që u përdor ditën e djeshme.

Xhafaj u shpreh se etika politike është zëvendësuar me shprehje ordinere.

“Fryma e debatit normal, konsensusit politik dhe etikës politike, tashmë është zëvendësuar nga konflikti i ashpër politik i ndërtuar mbi batutën fyese, shprehjet përçmuese dhe jo rrallë ordinere, retorikën e ashpër, gjuhën e baltës dhe shpifjen. Dëshpërimisht kjo lloj qasje e gabuar është shndërruar në normalitet dhe instrument i të ashtuquajturës luftë politike.

Kjo sallë dhe çfarë ndodh këtu është arsyeja kryesore përse ka shifra kaq të larta negativiteti në sondazhet e barometrave të ndryshëm që na ndëshkojnë fort. Por edhe pse ka kaq shumë pesimizëm jashtë saj, veçanërisht te të rinjtë që vazhdojnë të largohen nga vendi. Kjo retorikë e turpshme, ca më keq, ka dalë edhe jashtë kësaj salle në gjuhë të huaja, në mediat e botës. Dëm më të madh nuk mund t'i bëhet imazhit të vendit”.- tha Xhafaj./CNA.al





Lajmet e fundit nga