LEXO PA REKLAMA!

SHKARKO APP

"Muhabete pazari që bëhen te gabi"/ Rama, për portin e Durrësit: Projekti s'është miratuar

10 Nëntor 2022, 21:33, Politikë CNA
"Muhabete pazari që bëhen te gabi"/ Rama, për portin e
Kryeministri Edi Rama

Pas përfundimit të mbledhjes me kryesinë e PS-së, kryeministri Edi Rama është pyetur nga gazetarët në lidhje me akuzat e opozitës për portin e durrësit.

Rama tha se projekti për portin e Durrësit nuk është miratuar, por është kaluar për diskutim me procedurë të përshpejtuar.

I pyetur se kush i zotëron 60% të aksioneve që do të marrin portin, kreu i qeverisë deklaroi se nuk mund të përgjigjet për muhabete pazari që bëhen te gabi dhe në kafe.

“Unë kam parë shumë gjëra të shëmtuara që janë burim neverie në historinë politike shqiptare dhe kjo është një nga më të shëmtuarat. Marrja nëpër gojë në mënyrën më skizofrenike, më të ulët e një personaliteti të ekonomisë globale, një ndër kompanitë e të cilit është e regjistruar në Abu Dabi ka seli në kullën më të lartë të Abu Dabit, një personalitet që ka ndërtuar gjysmën e Dubait dhe vjen këtu jo se nuk ka punë, por vjen si rezultat i një partneriteti me Emiratet e Bashkuara në një moment tejet të vështirë kur unë shkova të diskutoj për familjet e goditura nga tërmeti në Durrës dhe kur shpreha pakënaqësinë apo rezervën që pavarësisht gjithë miqësisë e një historie që ka nisur nga lufta në Kosovë kur hapën pistën për të sjellë ndihmat humanitare që solli reagimin e princit të Kurorës në atë kohë duke nxitur këtë investitor që është krenari kombëtare në një nga vendet më të pasura të planetit. I hyhet në mënyrën më barbare, në të shëmtuar, më ordinere e skizofrene nga një 'non gratë', nga një llum që çdo ditë ndot me prodhimin e tij që është llum, shtëpitë e shqiptarët, nuk di çfarë të them.

Unë nuk merrem me këto, po ju them që ne nuk kemi miratuar asgjë. Ne kemi futur për diskutim me procedurë të përshpejtuar një marrëveshje strategjike, e cila është e mirë për ty e familjen tënde, është e mirë për të gjithë ju që jeni brez më i ri, për prindërit tuaj se s’është puna që sjell investim prej 2 miliardësh për ndërtimin e portit më të madh të Mesdheut, por transformon industrinë tonë të turizmit. Si mundet, ndërkohë që gjithë këto pyetje me cfarë do përfitohet janë legjitime dhe i përkasin diskutimit. Një pjesë e kemi shpjeguar dhe është një investim ku shteti shqiptar nuk ka dhënë, por ka marrë njëkohësisht 33% të aksioneve. Një investim i ngjashëm që është bërë në Beograd ka sjellë një impakt të jashtëzakonshëm dhe aty kemi marrë edhe 1% aksione më shumë sesa kanë marrë ata. Këto muhabete pazari, tek gabi ju mund t’i bëni sa të doni, i bëni në kafe. Këto janë diskutime që do bëhen dhe ju do i dëgjoni, por unë nuk ju përgjigjem. Ngritja e akuzave dhe derdhja e këtij llumi është një turp i madh. Marrëveshja është nënshkruar publikisht dhe do të jetë aty, do ketë për diskutime, për të parë detajet. Fillimi i ndërtimit do të thotë vende pune. Por kujt ti flasësh? Non gratës apo atyre që i shkojnë nga pronat”, theksoi Rama./ B.A. – CNA.al

Lajmet e fundit nga