web counter
LEXO PA REKLAMA!

SHKARKO APP

App Store
Google Play

Protesta e 12 nëntorit/ Noka: Dyfish i vrullit, mllefit dhe urrejtjes kundër sulltanit të Surrelit

10 Nëntor 2022, 20:41, Politikë CNA
Protesta e 12 nëntorit/ Noka: Dyfish i vrullit, mllefit dhe urrejtjes
Flamur Noka

Teksa kanë mbetur vetëm dy ditë nga protesta e 12 nëntorit, Flamur Noka thotë se shqiptarët kanë mijëra arsye për të protestuar kundër regjimit.

I ftuar në emisionin Frontline, Noka tha se protesta e 12 nëntorit do të jetë dyfishim i vrullit, mllefit dhe urrejtjes kundër Ramës, teksa e krahason me protestën e 7 Korrikut.

“7 korriku ishte mesazh i qartë, por 12 nëntori do të jetë dyfishim i vrullit, mllefit, urrejtjes së shqiptarëve kundër sulltanit të Surrelit. Dyfishim i energjisë opozitare se ky vend bëhet dhe do të jetojnë shqiptarët. Nuk do të kthehet tokë e djegur siç e ka projekt sulltani.

Shoqëria shqiptare është 2 -3 hapa para partive politike. Energjia është shumë  e akumuluar kundër këtij regjimi. Ne si PD duhet të përshpejtojmë. Fitorja është duke trokitur. Ne krye të opozitës nuk ka peng, është Sali Berisha. Çdo shqiptar e di që Berisha nuk të shet, por prin, ecën ngjall shpresë, frymë dhe sjell fitore. I vetmi që sjell fitore. E rëndësishme është thirrja për t’u bashkuar në protestë.

Çdo pensionist sot është më i varfër kur Berisha la pushtetit. Çdo mësues është më i varfër se kur Berisha la pushtetin dhe ka arsye për të protestuar kundër këtij regjimi. Ka një mijë e një arsye për të protestuar kundër regjimit të Sulltanit të Surrelit, Pedagogë, mjek , infermierë është i motivuar më shumë për të protestuar. Çdo kush që sheh që inceneratorët janë mega vjedhje që Porti i Durrësit është aferë për të pasuruar Vuçiçin dhe Lukashenkon duhet të dalë më 12 nëntor për t’i thënë Sulltanit ndal. Në Shqipëri ka njerëz që i dalin zot asaj. Sot Shqipëria është në rrezik, demokratët do t’i dalin zot”, ka thënë Noka.

Ndërsa pyetjes se nëse do të ketë incidente në protestë, Noka është përgjigjur se demokratët protestojnë paqësisht.

“Ministres së Kulturës i them se afera e Butrinti, pallatit të Brigadave, do të të ndjekë deri pas hekurave, nuk ka drejtësi që të të shpëtojë.

Ambasada amerikane e di shumë mirë që protesta do të jetë paqësore si kurrë ndonjëherë. Kështu protestojnë demokratët”, tha Noka./ CNA.al





Lajmet e fundit nga