web counter
LEXO PA REKLAMA!

SHKARKO APP

App Store
Google Play

Çfarë i duhet Bashkisë së Tiranës?/ Alimehmeti tregon vizionin e tij

10 Nëntor 2022, 18:43, Politikë CNA
Çfarë i duhet Bashkisë së Tiranës?/ Alimehmeti tregon
Ilir Alimehmeti

Kandidati i Primareve, që synon Bashkinë e Tiranës, Ilir Alimehmeti, ka zbuluar vizionin e tij për Tiranën, nëse do të mposhtë në zgjedhjet vendore të 14 majit, Erion Veliajn.

Alimehmeti u shpreh se Tiranës i duhet një administrator që t'u shërbejë atyre dhe jo një trampolinë për të kërcyer në postin e kryeministrit.

I ftuar në emisionin "Kontrast", Alimehmeti tha se në Bashkinë e Tiranës duhet të jetë dikush që t'u shërbejë qytetarëve.

“Tiranës i duhet një administrator, por një adminstrator që nuk e ka mendjen te hapi i radhës te kryeministria. Si qytetar unë ndihem i përdorur nëse mendoj se dikush do përdorë shpatullën time për të vënë këmbën dhe për të kapërcyer në kryeministri.

Ne vizionin tim ky element nuk është. Unë do të votoja dikë që të bëjë punën e vet për të cilën është zgjedhur.

Ky është vizioni bazë. Ka shumë aspekte, urbanistika, taksat, problemi administrativ, keqkuptimi me dashje.

Duhet dikush që të na shërbejë ne. Po të ishte dikush që do na shërbente do isha shumë i lumtur në shtëpinë time duke shijuar atë shërbim që do të merrja”, tha Alimehmeti./ CNA.al





Lajmet e fundit nga