web counter
LEXO PA REKLAMA!

SHKARKO APP

App Store
Google Play

E fundit!

x

“Mos protesto për politikanët, por për vete”/ Edi Paloka, thirrje qytetarëve

11 Nëntor 2022, 08:38, Politikë CNA

“Mos protesto për politikanët, por për vete”/ Edi

Kreu i Këshillit Kombëtar në PD, Edi Paloka, një ditë para protestës u ka bërë thirrje qytetarëve që të dalin në shesh.

Me anë të një postimi në rrjete sociale, Paloka shkruan se nuk ka nevojë të protestosh për politikanët, por dil dhe protesto për vete.

“Dil nesër e protesto! Mjaft u ankove kafeneve! Mjaft 'u revoltove' në fb!

Protesto përpara se të mendosh të largohesh. Ky është vendi ynë dhe këtu do rrisim fëmijët tanë.

Nuk ka nevojë të protestosh për politikanët. Protesto për vete e për fëmijët e tu !

Protesto për vjedhjen, dhunimin e poshtërimin që kjo qeveri të bën çdo ditë! Protesto kundër padrejtësive e arrogancës !

Protesto kundër një qeverie e një kryeministri që jo vetëm të vjedh për luksin e tij personal , po pasi të vjedh e të dhunon edhe tallet e kërkon të të poshtërojë.

Protesto përpara se të të vijnë tek dera për të të shembur shtëpinë apo biznesin, përpara se të biesh viktimë e krimit apo e policisë së krimit, përpara se fëmijët e tu të mbetur pa shkollë e pa punë të marrin rrugët e emigrimit”, shkruan Paloka.

Me të njëjtin fjalor që ka përdorur Rama në Kuvend, Paloka ka përdorur për të shënjestruar kryeministrin.

“Protesto nëse nuk do që të trajtohesh si skllav nga qenie pa din e pa iman, pa fe e pa atdhe, bedelë të pafytyrë që qëndrojne në krye të shtetit me votën që ta kanë vjedhur ose blerë për një copë bukë e tani kërkojnë të të marrin gjithçka të ka mbetur!

Protesto nesër me 12 nentor, ora 16.00

Protesto”, përfundon thirrjen Paloka.





Lajmet e fundit nga