E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

“Gjakderdhja” financiare e Rilindjes

12 Dhjetor 2023, 17:24, Opinione Elvi FUNDO

Kryeministri Edi Rama

Një term i huazuar në titull, “gjakderdhja” financiare, nuk është i artikuluar prej meje, por e thënë nga ish-ministri, ish-deputeti socialist, Ditmir Bushati, në mbledhjen e Kryesisë së Partisë Socialiste.

Ditmir Bushati nuk përmbahet ndaj Ramës/ "Po strehon në PS ekzekutorë të gjakderdhjes financave"
14 Prill, 19:16

Një term i fortë, paralajmërues, qe në atë mbledhje, siç raportohet, kryeministri Rama u bë mjaft nervoz dhe u trondit nga shprehja e përdorur.

Ish-ministri i Jashtëm, Ditmir Bushati dhe kryeministri Edi Rama

Në fakt “gjakderdhja” financiare e Rilindjes kishte ndodhur me koncesionet dhe me PPP-të për të cilat kryeministri Rama ishte paralajmëruar më shumë se një herë nga mediat, ishin denoncuar me dhjetëra raste skandalesh që nga “check-up”-i, sterilizimi, inceneratorët, koncesionet e tjera, por kryeministri hesht dhe i mbështeste me shpresën se këto afera një ditë do të harroheshin, apo duke propaganduar zgjidhje të tjera e duke sulmuar denoncuesit, gjithçka do të zgjidhej.

Në fakt jemi përballë një skandali, jemi përballë një afere të madhe që quhet “gjakderdhje” e Rilindjes, e cila përmbledh gjithçka që ka ndodhur gjatë pushtetit të 10 viteve të socialistëve me korrupsionin, aferat dhe koncesionet.

Po ta marrim pak shkurt “gjakderdhjen” financiare të Rilindjes, sikur të merreshin dëshmitë e zyrtarëve në komisionin hetimor parlamentar për çështjen e inceneratorëve për shembull, të cilët u betuan dhe kanë përgjegjësi penale, të gjithë rezultojnë se kanë mashtruar dhe të gjithë do të ishin sot pas prangave.

Sot pas gati 3 vitesh, në komisionin hetimor për inceneratorët, “gjakderdhja” financiare e inceneratorëve nuk është ndaluar, ashtu si nuk është ndaluar “check up”-i, apo ashtu si nuk janë ndaluar koncesione të tjera dhe korrupsioni në shumë drejtime në shumë institucione vazhdon.

Koncesioni për “Check Up-in"/ Dorëzohen fakte të reja në SPAK
13 Tetor, 18:06

Nuk pati asnjë masë politike, administrative, apo ligjore. Politikanët përgjegjës që janë individët, tek Bashkia Tiranë, të cilët duhet të veprojnë në lidhje me çështjet, ku denoncohet nga media nga opozita, me njerëz brenda partisë socialiste, të kryera këto disa vite më parë, edhe me arrestime, prapë inceneratorët vazhduan biznesin.

Inceneratorët, si një histori mafioze?!
2 Dhjetor, 14:57

Vazhduan dhe morën nga 2021 i Komisionit Hetimor e nga kallëzimet që u bënë në SPAK, vazhduan morën para nga taksapaguesit. Është 25 milionë euro deklarimi i të ardhurave gjatë vitit 2021, kaq është edhe 2022 afërsisht, nga biznesi i landfillit të Tiranës, ku inceneratori nuk ekziston.

Nuk mund të pranohet se vjedhja e shekullit mund të katandiset te babai i Alqit, te gratë e tigrit, te Taulant Tushja, te fisi i tij, te familjarët e Lefter Kokës e kështu me radhë.

Ish-zyrtarët e akuzuar për aferën me inceneratorët në gjykatë

Ndaj denoncimi i aferës së inceneratorëve është bërë pa kompromis për të ndaluar pikërisht “gjakderdhjen” financiare, e cila nuk është bërë.

Nuk ka njeri në botë sot ta mendojë dhe ta besojë se tigri i vuri në kokë kobure qeverisë dhe bëri 17 vendime brenda ditës, apo Taulant Tushja me mendjen e tij firmosi një incenerator më një kontratë koncesionare 30-vjeçare, 1 miliard euro.

Ky është një vullnet politik, është një vullnet politik i Rilindjes, që braktisi landfillet, edhe pse kishte studime në bashkëpunim me qeverinë gjermane, kishte financime, gjithçka të siguruar, por u hoq dorë dhe u çua tek inceneratorët, që kushtojnë me qindra miliona euro, që nuk funksionojnë, apo që nuk ekzistojnë.

Bashkëpunëtorët e Ben Tigrit
5 Gusht, 09:15

Në rast se pushteti politik do të ishte i interesuar për të vërtetën dhe po të mos kishte futur këmbët dhe duart brenda aferës së inceneratorëve, brenda 24 orëve ato do ishin ndaluar, apo për më tepër dhe Mirel Mërtiri dhe Klodian Zoto nuk do ishin lejuar të largoheshin nga Shqipëria, i pari në Vjenë dhe i dyti duke u vërtitur rrugëve të Tiranës natën.

Interpol Tirana konfirmon CNA/ Mirel Mërtiri dhe Stela Gugallja ndodhen në Austri
7 Prill, 20:57
Gazetari Fundo: Klodian Zoto ndodhet në Tiranë, nuk ka para as për avokatin
13 Nëntor, 17:55

Do të kishte veprime shumë më të shpejta ndaj Mirel Mërtirit në çdo strukturë të shtetit, por shteti kishte rënë nën thundrën e njerëzve të inceneratorëve, të cilët ishin pjesë e “gjakderdhjes” financiare të Rilindjes. Ishin pjesë e vizionit të pushtetit politik për të ndërtuar koncesione, PPP, të cilat në fakt sollën thjesht dhe vetëm “gjakderdhjen” financiare të Rilindjes e cila nuk u ndal.

Sot jemi para faktit dhe ka dhjetëra arrestime hetime për inceneratorët, ka arrestime në lidhje me koncesionin e sterilizimit e kështu me radhë.

Fotomontazh

Ajo që është më e rëndësishme në të gjithë këtë histori, është ndalimi i kësaj “gjakderdhje” financiare dhe gjetja se ku kanë shkuar paratë?

Ku shkuan paratë e shqiptarëve të varfër dhe pse u përdor “gjakderdhja” financiare si koncept politik nga Rilindja dhe nuk ndalën koncesionet dhe korrupsioni i tyre edhe pse prej vitesh denoncohet pa ndalim nga media, nga politika, nga opozita dhe shoqëria civile./ CNA