web counter
LEXO PA REKLAMA!

SHKARKO APP

App Store
Google Play

Ku fshihet kontrata origjinale e koncesionit 100 milionë euro të sterilizimit?

21 Gusht 2023, 12:25, Aktualitet CNA

Ku fshihet kontrata origjinale e koncesionit 100 milionë euro të

Ish-kryeministri Sali Berisha ka hedhur akuza të forta ndaj Prokurorisë së Posaçme duke thënë se ky organ operon me kontrata të falsifikuara.

Sipas Berishës kontrata origjinale e vjedhjes së dytë të shekullit është e depozituar në Prokurorinë e Tiranës, në Protokollin e Shëndetësisë, në Ministrinë e Drejtësisë, në Ministrinë e Financave, thesari i së cilës nuk mund të bëjë pagesa pa kontratën origjinale, FSDKSH, të gjitha spitalet ku bëhet ky shërbim dhe te kontraktori i këtij shërbimi.

"PD informon publikun se ekzistojnë të dhëna tronditëse që pohojnë se SKAP-i i partisë, për të manipuluar sipas urdhrave, hetimet, operon me kontrata të falsifikuara dhe jo origjinale.

Dje, mediat informuan nga prokuroria e posaçme se ky organ nuk kishte kontratën origjinale të vjedhjes së dytë të shekullit.

Informojmë shqiptarët se kontrata origjinale është e depozituar:
-Në Prokurorinë e Tiranës, e cila pas 3 vitesh dhe 300 mijë euro ryshfet, e shpalli atë në përputhje me ligjin.
-Në protokollin e Ministrisë së Shëndetësisë.
-Në Ministrinë e Drejtësisë.
-Në Ministrinë e Financave, thesari i së cilës nuk mund të bëjë asnjë pagesë pa pasur kontratën origjinale.
-Në FSDKSH, organ që mund t’i bëjë asnjë pagesë kontraktonit pa kontratën origjinale.
-Kopjen origjinale e disponojnë të gjitha spitalet ku kryhet shërbimi.
-Kopjen origjinale e ka kontraktori i këtij shërbimi.

Për të gjitha këto, PD u bën thirrje qytetarëve të ngrihemi sa më parë në protesta të fuqishme për të marrë në dorë fatin tonë dhe për të shpëtuar Shqipërinë nga kjo organizatë kriminale që drejtohet nga Edi Rama", tha Berisha./ CNA





Lajmet e fundit nga