web counter
LEXO PA REKLAMA!

SHKARKO APP

App Store
Google Play

E fundit!

x

Projektligji/ Agjencia Shtetërore e Prokurimeve të Përqendruara bëhet sh.a.

21 Gusht 2023, 11:59, Aktualitet CNA

Projektligji/ Agjencia Shtetërore e Prokurimeve të Përqendruara

Agjencia Shtetërore e Prokurimeve të Përqendruara, organi qëndror i blerjeve të shtetit që sot është në varësi të Ministrisë së Brendshme, do të shndërrohet në shoqëri aksionare. Qeveria ka hartuar një projektligj, i cili ndryshon totalisht procesin e prokurimeve të përqendruara duke e kthyer institucionin që i zhvillon ato në një ndërmarrje sh.a.

Sipas draftit, shoqëria e re do të jetë në varësi të Ministrisë së Financave dhe do të kryejë prokurime për llogari të të gjitha institucioneve të shtetit. Për këtë shërbim ajo do të arkëtojë tarifa nga nga institucionet publike.

Aktualisht Agjencia Shtetërore e Prokurimeve të Përqendruara funksionon si institucion buxhetor dhe është nën varësinë e Ministrisë së Brendshme. Kjo agjenci kryen prokurime për llogari të institucioneve publike në fusha të tilla si blerja e karburantit, kanceleritë, uniforma, ushqime etj.

Në të kaluarën organi qendror blerës është përfshirë nga disa skandale, siç ishte rasti i tenderit të uniformave të policisë që solli arrestimin e shumë punonjësve të kësaj agjencie.

Me shndërrimin e saj në shoqëria aksionare, qeveria pretendon se do të rrisë eficencën e prokurimeve publike. Por në fakt, kjo masë pritet të përqendrojë edhe më shumë tenderët publikë në një dorë./ Oligarkia.al  





Lajmet e fundit nga