web counter
LEXO PA REKLAMA!

SHKARKO APP

App Store
Google Play

E fundit!

x

Çështja e Fredi Belerit/ Ministri grek: Rama nuk u ftua, mesazhi i qartë për Shqipërinë

21 Gusht 2023, 10:13, Aktualitet CNA

Çështja e Fredi Belerit/ Ministri grek: Rama nuk u ftua, mesazhi i

Adonis Georgiadis, ministri i Punës dhe Sigurimeve Shoqërore në Greqi, në një intervistë për "ERT News" ka folur lidhur me mungesën e ftesës së ramës nga Mitsotakis në darkën informale që organizohet ditën e sotme me liderët e Ballkanit si dhe lidhur me çështjen e Fredi belerit.

Georgiadis tha se vendimi i Kyriakos Mitsotakis për të ftuar të gjithë të tjerët, përveç Ramës, mendoj se tregon se çështja e Fredi Belerit nuk kalon aspak e pakundërshtuar nga qeveria greke.

“E konsideroj shumë të rëndësishme që Rama nuk është ftuar. Vendimi i Kyriakos Mitsotakis për të ftuar të gjithë të tjerët, përveç Ramës, mendoj se tregon që çështja e Fredi Belerit nuk kalon aspak e pakundërshtuar nga qeveria greke”, tha ai.

"ERT" raporton se ministri grek është shprehur se mesazhi për Shqipërinë sot është i qartë.

"Ata që menduan se Kyriakos Mitsotakis do të rezultonte një kryeministër i butë në reagimin e tij për këtë çështje, e kishin gabim. Mesazhi për Shqipërinë sot është i qartë. Nëse vazhdojnë të pengojnë betimin e kryetarit të ri të bashkisë, Fredi Beleri, do të duhet të harrojnë integrimin e tyre evropian dhe financimin nga Evropa”.

Georgiadis u shpreh gjithashtu se nëse shqiptarët guxojnë të betohen për një kryetar tjetër bashkie ose të bëjnë sërish zgjedhje, duke e mbajtur Belerin në burg, ky do të jetë një faktor për Greqinë për marrëdhënie të këqija me Shqipërinë për një periudhë të pacaktuar.

“Shqipëria do ta paguajë shumë shtrenjtë nëse vazhdon të shkelë të drejtat e grekëve të Vorio Epirit”, tha Georgiadis, duke shtuar se: "Shqipëria duhet të rishikojë qëndrimin e saj ndaj kryebashkiakut të zgjedhur të Himarës", raporton ERT./ CNA





Lajmet e fundit nga