web counter
LEXO PA REKLAMA!

SHKARKO APP

App Store
Google Play

E fundit!

x

Shpëtohen dy të rinj që rrezikuan të mbyten/ Mjeti jet ski pësoi defekt

21 Gusht 2023, 09:39, Aktualitet CNA
Shpëtohen dy të rinj që rrezikuan të mbyten/ Mjeti jet ski
Foto ilustruese

Dy të rinj, të cilat rrezikuan të mbyteshin, janë shpëtuar pasi mjeti i tyre lundrues jet ski, pësoi defekt në mes të detit.

Ngjarja ka ndodhur mbrëmjen e djeshme në vendin e quajtur “Rana e Hedhun”.

Dy të rinjtë që ishin futur në det, me një mjet lundrues jet ski, në vendin e quajtur “Rana e Hedhun”, nuk ishin kthyer në breg dhe kishin humbur kontaket me familjarët e tyre.

Pas gjysmë ore kërkimi, është lokalizuar në det, rreth 5 milje larg nga bregu, 17-vjeçari (pasagjer i mjetit lundrues), i cili po tentonte të dilte në breg, me not, për të kërkuar ndihmë, pasi mjeti lundrues jet ski me të cilin po lundronte bashkë me shokun e tij, kishte pësuar defekt. Menjëherë, shërbimet e Policisë e kanë marrë 17-vjeçarin në mjetin e tyre lundrues dhe i kanë dhënë ndihmën e parë.

Më pas, shërbimet e Policisë Kufitare kanë lokalizuar në det, 18-vjeçarin që kishte mbetur në det sepse mjeti lundrues jet ski që po drejtonte kishte pësuar defekt dhe rrezikonte të fundosej. Menjëherë, shërbimet e Policisë Kufitare kanë marrë në mjetin e tyre lundrues, 18-vjeçarin dhe i kanë dhënë ndihmën e parë.

Gjithashtu, shërbimet e Policisë kanë tërhequr në breg, mjetin lundrues jet ski që kishte pësuar defekt.

Dy të rinjtë janë në gjendje të mirë shëndetësore. Ata dhe familjarët e tyre kanë falëndëruar shërbimet e Policisë Kufitare, për ndërhyrjen e shpejtë dhe ndihmën që iu ofruan.

Po gjatë ditës së djeshme, shërbimet e Policisë Kufitare Shëngjin iu shkuan në ndihmë në dy raste, 4 shtetasve që rrezikuan të mbyteshin në det (një shtetasi austriak dhe 3 shtetaseve nga Kosova)./ CNA





Lajmet e fundit nga