web counter
LEXO PA REKLAMA!

SHKARKO APP

App Store
Google Play

Tragjedi/ Mbyten në liqenin e Gramshit babai me dy djemtë dhe kushëririn

21 Korrik 2023, 20:54, Aktualitet CNA
Tragjedi/ Mbyten në liqenin e Gramshit babai me dy djemtë dhe
Foto ilustruese

 

Katër persona, babai me dy djemtë dhe kushëriri i tyre dyshohet se mund të kenë humbur jetën në Liqenin e Hidrocentralit të Banjës në fshatin Drizë të Gramshit.

Një telefonatë e mbërritur në orën 19:00 të ditës së sotme në policinë e Gramshit, ku bëhej me dije se 4 shtetas dyshohet se janë mbytur në liqen ka vënë në lëvizje forcat blu.

Policia bën me dije se: “Në Liqenin e Hidrocentralit të Banjës në fshatin Drizë të Gramshit, dyshohet se shtetasit A.Z, rreth 46 vjeç, R.Z, 19 vjeç, E.Z, 14 vjeç ,  (babai me dy djemtë) dhe kushëriri i tyre shtetasi  M.Z, 20 vjeç, sipas deklarimeve të familjarëve janë futur në liqen për tu larë dhe nuk kanë dalë më."

Menjëherë në drejtim të liqenit janë nisur polumbarët e Reneas  për të bërë të mundur gjetjen dhe nxjerrjen e katër shtetasve nga liqeni. Grupi hetimor ka gjetur në buzë të liqenit dy motoçikleta, tre celularë dhe teshat e trupit.”

Në drejtimin e Prokurorisë, grupi hetimor vijon punën në vendngjarje për sqarimin  dhe dokumentimin  e plotë të rrethanave të ngjarjes./CNA.al





Lajmet e fundit nga