web counter
LEXO PA REKLAMA!

SHKARKO APP

App Store
Google Play

E fundit!

x

Pas 32 vitesh memaliotët bëhen bashkë/ Netët magjike të "Memaliaj na thërret"

21 Gusht 2023, 10:48, Aktualitet CNA

Pas 32 vitesh memaliotët bëhen bashkë/ Netët magjike të

"Memaliaj na thërret", është aktiviteti kulturor që u organizua për herë të parë nga Bashkia Memaliaj në datat 17, 18 dhe 19 gusht.

Ky aktivitet u zhvillua në sheshin "Minatori" dhe pas 32 vitesh bëri bashkë për plot tri netë radhazi memaliotët, por jo vetëm, me qëllimin për ta kthyer në një traditë ndër vite.

Emocionet e krenaria mbizotëruan gjatë të tria netëve të aktivitetit "Memaliaj na thërret", duke u dhuruar qytetarëve një spektakël të vërtetë deri në orët pas mesnate nën moderimin e prezantueses Silvana Braçe.

Artistë të shumtë performuan në sheshin kryesor të qytetit si Kozma Dushi, Eranda Libohova, Pëllumb Elmazi, Ferdinand Ibrahimi, Arben Ibrahimi, Ogert Agaj, Alket Zaimi (Djemtë e Vjosës), Niki Zaimi & Band, Grupi Folklorik "Bilbili", Grupi Polifonik Memaliaj, fëmijët e Qendrës Kulturore të Fëmijëve duke kënduar dhe kërcyer bashkë me publikun.

Nuk munguan as vlerësimet.

Kryetari i bashkisë, Albert Malaj, dha vlerësim mirënjohje për personalitete që kanë dhënë kontribut të shquar në qytetin Memaliaj, siç është edhe mjekja e njohur për memaliotët Teuta Gjokoli.

Përgjatë tri netëve magjike, "Memaliaj na thërret" mblodhi rreth vetes shumë memaliotë që jetojnë brenda dhe jashtë vendit, në këtë aktivitet që filozofinë e tij ka takimin e brezave me njëri-tjetrin./ CNA





Lajmet e fundit nga