web counter
LEXO PA REKLAMA!

SHKARKO APP

App Store
Google Play

E fundit!

x

Skema abuzive dhe mashtrimi me Check Up-et

26 Qershor 2023, 18:35, Denoncim CNA
Skema abuzive dhe mashtrimi me Check Up-et
Foto ilustruese

Abuzimi dhe skandalet me Check Up-et kanë qenë shpesh pjesë e denoncimit të mediave që prej fillimit të kësaj skeme. Abuzime që shkonin deri tek gratë me prostatë apo analiza të pakuptimta.

CNA së fundi ka investiguar dhe zbuluar skemën abuzive dhe mashtrimet që i bëhet shtetit nga një zinxhir i lidhur i mjekëve të lagjeve me laboratoret e Check Up-eve.

Pas disa informacioneve të ardhura në redaksi, CNA verifikoi të dhënat nga disa qytetarë që pretendonin se mjekët e familjes ishin lidhur me laboratorët dhe funksionojnë si punonjës të tyre.

Rastet fillojnë në Elbasan, Tiranë, Korçë, Fier, etj.

Disa mendojnë se shërbimi për kontrollin bazë mjekësor është i mirë, disa mendojnë se është i keq, në disa raste ka pasur probleme me analizat dhe të tjerë kanë ngritur akuza, por ne nuk po merremi me faktin nëse duhet apo jo Check Up-i.

Ne po denoncojmë një skemë abuzive që po kryhet me Check Up-et, ku dalin në dritë lidhjet e mjekëve të familjes me kompaninë që kryen këtë shërbim.

Pak histori

Fillimisht, kur u miratua koncesioni për Check Up-et, ky shërbim ofrohej për moshat 40-75 vjeç.

Qeveria trumbetoi si sukses Check Up-et dhe më pas deklaroi uljen e fashës së moshës që do të përfitonin kontrollin bazë falas, fasha u ul në moshat 35-70 vjeç. Ndërsa personat mbi 70 vjeç filluan të kishin probleme me analizat e tyre, pasi ata nuk mund të regjistroheshin më në sistem.

Skemë mashtrimi

Problematika që ka krijuar një mashtrim qëndron te fakti se njerëzit mbi 70 vjeç nuk mund të kryejnë Check Up duke ju hedhur të dhënat e tyre në regjistrin elektronik, kështu që palët kanë gjetur mënyrën e mashtrimit, që nga mjekët e familjes deri tek kompania e ofrimit të shërbimit.

Mjekët e familjes kanë krijuar lidhje me kompaninë e Check Up-eve. Personat mbi 70 vjeç që paraqiten te mjekët e familjes për të marrë këtë shërbim, e kryejnë Check Up-in me të dhëna të personave të tjerë.

Mjekët e familjes nuk u japin rekomandim në emra të tyre, por në emra të personave të tjerë, të moshave më të reja dhe databaza është fiktive.

CNA ka verifikuar të paktën 7-8 raste, të cilat janë në Korçë, në Elbasan dhe në Tiranë.

Pra, nga kjo skemë dalim në tre rezultate, që janë abuzimi, rritja e numrit të check up-eve dhe ka çdo dyshim të mundshëm për përfitime apo korrupsion./ CNA.al





Lajmet e fundit nga