web counter
LEXO PA REKLAMA!

SHKARKO APP

App Store
Google Play

E fundit!

x

Koncesionari i “Check-Up” u pagua për shërbime të pakryera/ KLSH: Për 5 vite mori 930 milionë lekë

2 Nëntor 2023, 22:17, Denoncim CNA
Koncesionari i “Check-Up” u pagua për shërbime të
Foto ilustruese

Një auditim i fundit i Kontrollit të Lartë Shtetëror ka nxjerrë në pah abuzimin me kontrollin shëndetësor bazë të popullsisë, ose siç njihet ndryshe me “Check Up”-in.

KLSH ka konstatuar se Fondi i Sigurimit të Detyrueshëm të Kujdesit Shëndetësor (FSDKSH) ka kryer në vitet 2019-2020 pagesa për shërbim të pa kryer për “check up”-in si dhe TVSH-në mbi këtë shërbim, duke sjellë një kosto shtesë për buxhetin.

Këto pagesa janë marrë nga koncesionari i “Check Up”-it, kompania “3P Life Logistic”.

“Gjatë vitit 2019 FSDKSH ka kryer pagesa për shërbimin parësor për kontrollin bazë (CHECK-UP), për shoqërinë “3P L Lshpk”, në vlerën 876.1 milion lekë, kontabilizuar në llogarinë 606/00214 për muajt nëntor 2018 deri më tetor 2019. Për vitin 2019, numri kontrolleve të realizuara është 482,716 raste, ose 7,716 raste më shumë nga projeksioni vjetor prej 475,000 raste (janar-dhjetor 2019), ky vit është viti i parë që është plotësuar dhe tejkaluar projeksioni. Fondi ka paguar numrin e rasteve sipas projeksionit. Nga 475,000 raste sipas projeksionit dhe pagesës këtë vit janë paguar shërbime të pakryera për 2,840 raste, në vlerën 5,238 mijë lekë.

Edhe për vitin 2019, vijojnë të pranohen dhe likuidohen faturat tatimore mujore të Check-up, lëshuar nga koncesionari, në vlerën totale 876 milion lekë, në të cilën përfshihet edhe TVSH në masën 20% (vlera respektive 146,015 mijë lekë) mbi vlerën e shërbimit shëndetësor, ndërkohë që ky shërbimi duhet të trajtohet si Furnizim i Përjashtuar nga TVSH, sipas përcaktimit ligjor në nenin 51 pika c e ligjit nr.92/2014, datë 24.07.2014 “Për Tatimin mbi Vlerën e Shtuar në RSH”, i ndryshuar”, thuhet në raport.

KLSH thotë se për rastin konkret nuk përmbushen kërkesat teknike për pagesat dhe krijohen kosto shtesë në buxhetin e shtetit.

Edhe për vitin 2020 ka rezultuar se janë bërë pagesa për shërbime të pakryera që kapin shumën 3,923,039 lekë.

“Në total evidentohen 2127 raste në formën e mbështetjes financiare në shumën 3,923,039 lekë të cilat janë paguar për shërbim të pakryer për sa i përket vlerës së paguar përgjatë vitit 2020”, thekson Kontrolli i Lartë i Shtetit.

Gjithashtu është konstatuar se edhe për vitin 2020 janë pranuar dhe likuiduar “faturat tatimore mujore të Check-Up, lëshuar nga koncesionari, në vlerën totale 322,322 mijë lekë (vlera e TVSH në shumën 53,720 mijë lekë), në të cilën përfshihet edhe TVSH në masën 20% mbi vlerën e shërbimit shëndetësor, ndërkohë që ky shërbimi duhet të trajtohet si Furnizim i Përjashtuar nga TVSH”.

Pagesat e marrë nga koncesionari, për punën e kryer për vitet 2015, 2016, 2017, 2018 dhe 2019, është për vlerën e projeksionit në shumën 4,234.4 milionë lekë dhe jo për shërbimin faktik, në shumën 3,304.4 milion lekë.

Sipas KLSH-së, vlera prej 930 milionë lekësh është vlerë e financuar për raste të pakryera (diferencë midis vlerës së projeksionit për këto vite prej 475 mijë në vit, me rastet e kryera faktikisht), nga e cila vlera e shpenzimeve variabël 202 milionë lekë, ndërsa vlera e TVSH-së së likuiduar është gjithsej deri në vitin 2019 në shumën 706 milionë lekë./ CNA

Dokumenta bashkëngjitur





Lajmet e fundit nga