E fundit!

10:08 Aktualitet

“Bashkitë në fazë të re zhvillimi”/ Demo: Duhet projekte cilësore për të përthithur fondet e BE

Ministri i Shtetit për Pushtetin Vendor, Ervin Demo, dekla...

KLSH: Në vitet 2019 dhe 2020 janë shitur ilaçe kontrabandë, FSDKSH nuk kreu kontrolle

2 Nëntor 2023, 18:22, Denoncim CNA

KLSH: Në vitet 2019 dhe 2020 janë shitur ilaçe

Foto ilustruese

Kontrolli i Lartë i Shtetit ka gjetur disa shkelje në Drejtorinë e Kontrollit në Fondin e Sigurimit të Detyrueshëm të Kujdesit Shëndetësor, mbi veprimtarinë e Sektorit të Kontrollit të Depove Farmaceutike.

KLSH ka konstatuar se në vitin 2019 dhe në vitin 2020 nuk janë realizuar kontrollet për inventaret në depot farmaceutike të ilaçeve në Listën e Barnave të Rimbursuara.

Këto kontrolle të parealizuara duhet të siguronin parandalimin e veprimeve abuzive apo qarkullimin e barnave të skaduar në skemën e rimbursimit.

“Nuk është ushtruar kontroll në depot farmaceutike me inventarizim të plotë megjithëse referuar të dhënave të administruara nga programi informatik i depove konstatohen diferenca në sasitë e barnave sipas deklarimeve të depove në momentin e ndryshimit apo indeksimit të LBR-ve përgjatë periudhës objekt auditimi.

Diferencat e konstatuara janë në plus në shumën 717.57 milion lekë dhe në minus në shumën 482.78 milion lekë për vitin 2019 dhe për vitin 2020 në plus në shumën 52 milion lekë dhe diferenca në minus në shumën 207.63 milion lekë. Gjithashtu konstatohet se në disa raste gjendja e mbartur e barnave si pasojë e inventarit të dorëzuar duke reflektuar shtesat dhe pikësimet përgjatë periudhës është negative”, thuhet në raport.

Gjithashtu, nga auditimi u konstatua se gjendja e inventarit të barnave të skaduar sipas listës së barnave të rimbursueshme, referuar vetëdeklarimit të bërë nga Depot Farmaceutike në momentin e lidhjes së kontratës me FSDKSH-në është 50,647 mijë lekë.

KLSH thekson se ka zbuluar se në tregun farmaceutik të barnave janë shitur ilaçe të kontrabanduara, pasi nuk janë bërë hyrje në Shqipëri dhe nuk janë deklaruar asnjëherë si shitje.

“Nga auditimi konstatohet se nuk është ushtruar kontroll për vitin 2020 në depo farmaceutike mbi sasitë e barnave në mbyllje dhe në hapje të periudhës së LBR-së sipas indeksimit megjithëse konstatohen diferenca inventari në shtesë në shumën 52 milion lekë dhe në minus në shumën 207.6 milion lekë, me pasojë efekte negative në aministrimin e fondeve nën skemën e kujdesit shëndetësor përsa i përket barnave të rimbursueshëm. Gjithashtu konstatohet se në disa raste gjendja e mbartur e barnave si pasojë e inventarit të dorëzuar duke reflektuar shtesat dhe pakësimet përgjatë periudhës është negative, duke treguar shitjen në tregun farmaceutik të barnave të cilat nuk janë bërë hyrje në Republikën e Shqipërisë dhe për rrjedhojë rimbursimin e tyre drejt përfituesve megjithëse nuk janë deklaruar asnjëherë si shitje”, thekohet në raport./ CNA