web counter
LEXO PA REKLAMA!

SHKARKO APP

App Store
Google Play

E fundit!

x

I mungon “titulli ekzekutiv”/ Divorci lë fëmijët pa pension

30 Tetor 2023, 22:08, Denoncim CNA

I mungon “titulli ekzekutiv”/ Divorci lë fëmijët pa

Një denoncuese është drejtuar në redaksinë e “Stop” në Tv Klan dhe tregon se për shkak të dhunës së bashkëshortit, është divorcuar prej tij pas 16 vitesh martesë. Nga martesa zonja ka dhe tre fëmijë. Në vendimin e divorcit, gjyqtarja Pajtime Fetahu, nuk ka shënuar që ky vendim është titull ekzekutiv. Për këtë arsye, përmbaruesi nuk ekzekuton dot vendimin, duke lënë fëmijët pa pension ushqimor dhe vetë zonjën pa ndihmë ekonomike, pasi nuk rezulton e divorcuar.

Qytetarja i drejtohet me mbesën e saj gjykatës së Elbasanit, ku nga kancelari i thuhet se vendimi mund të zbatohet edhe pa shënimin “titull ekzekutiv”, por përmbaruesi e kundërshton këtë.

Përmbaruesi Mehmet Çerraga: Jo, nuk e ekzekutoj! Duhet t’i bësh kërkesë gjykatës për lëshim urdhër ekzekutimi, ose plotësim vendimi! Kjo është një neglizhencë, ose mungesë nga ana e gjyqtares.

Për situatën, “Stop” vuri në dijeni kreun e gjykatës së Elbasanit Matilda Fetahu, e cila thotë se pas një kërkese zyrtare rasti do të trajtohet me prioritet.

Matilda Fetahu: Është kërkesë për lëshim urdhri. Në rregull? Në qoftë se kërkesa është depozituar, do hidhet menjëherë në short dhe do të ndjekë rrugën dhe duke marrë parasysh dhe shqetësimin, që ju keni.

Gazetarja: Është bërë që në Shkurt të  2023-shit.

Matilda Fetahu: Nëqoftëse ke dërguar një email tek ZMP, ose e dërgon tani, neve do të marrim në shqyrtim, që edhe të ndjekë rrugën e duhur institucionale. Absolutisht, do të ndiqet me prioritet!

Pas kërkesës së programit, gjykata e mori në konsideratë problemin duke caktuar datën e gjyqit për zonjën në 1 Nëntor 2023./ tvklan





Lajmet e fundit nga