web counter
LEXO PA REKLAMA!

SHKARKO APP

App Store
Google Play

E fundit!

x

Çfarë ishte PD-ja në dy festat e themelimit

11 Dhjetor 2023, 20:43, Opinione REDAKSIONALE
Çfarë ishte PD-ja në dy festat e themelimit
Foto arkiv - Sali Berisha dhe Lulzim Basha

Dy festa në 33-vjetorin e themelimit të Partisë Demokratike, njëra në Pallatin e Kongreseve, ku fliste Luli dhe tjetra një pritje zyrtare, e organizuar nga ish-kryeministri Sali Berisha.

Djali historik i doktor Berishës që feston dhe vjedh vulën, në krah të tij kishte Bamir Topin, atë që Sali Berisha e bëri dje President.

Çfarë ishte PD-ja në dy festat e themelimit

Por doktor Berisha kishte Arben Imamin, një nga themeluesit e parë dhe Lulzim Basha iu përgjigj direkt me Edvin Kullurin, që ia kishte rrëmbyer Imamit.

Çfarë ishte PD-ja në dy festat e themelimit

Te doktori fliste i pari Neritan Ceka, në krah të Lulit dilte Preç Zogaj. Megjithëse ky i fundit është gënjyer disa herë nga Luli se do ta bënte deputet, sërish ngeli atje, ndoshta aksidentalisht.

Të mos harrojmë se dhe Genc Pollo dikur i përjashtuar nga Saliu, kishte lënë te Luli që përjashtoi doktorin, Kreshnik Çollakun e tij.

E po t’i marrësh me radhë, një ishte këtej dhe një ishte andej. Nuk dihet kush është nëna dhe kush është njerka, ajo që dihet është se doktor Saliu është babai.

Se çfarë bën djali i tij, babai nuk mban përgjegjësi. Rëndësi ka që babai të ruajë gardhin e tij, pa djali përtej gardhit mund të shkojë ku të dojë.

Kështu rrëfehet ajo që ka ndodhur sot, ku më e turpshme nuk kishte se ku të shkonte, më e ndarë nuk kishte se ku të shkonte, më e përçarë se kurrë. 

 Çfarë ishte PD-ja në dy festat e themelimit

Nuk po e zgjasim më, mjafton të mbledhësh apo të vëzhgosh disa nga pamjet dhe ta kuptosh se sa e pështirë ishte ajo festë e sotme e dy PD-ve.

Do të ishte mirë që në fakt të mos e kishte organizuar asnjëri./ CNA





18:47 Opinione Ilir Levonja

Shqipëria në aksion

Shtatë studio televizive ndoqa mbrëmë, të gjitha merre...

Lajmet e fundit nga