web counter
LEXO PA REKLAMA!

SHKARKO APP

App Store
Google Play

E fundit!

x

'Mocha', modeli i ri i lokalit të lagjes në Shkodër

23 Shkurt 2026, 17:15, Qyteti im CNA

Në një prej zonave më të populluara të qytetit të Shkodrës, mes dy lagjeve të mëdha, Parrucë dhe Xhabije, lindi ideja për të krijuar një hapësirë ndryshe nga çfarë ofron zakonisht një lokal lagjeje. “Mocha” erdhi si një nevojë e komunitetit, një ambient i afërt, familjar, por njëkohësisht modern dhe me shumë shërbime. 

Koncepti ishte i qartë që në fillim: të ndërtohej një hapësirë ku familjet, të rinjtë dhe fëmijët të mund të kalonin kohë cilësore pa pasur nevojë të shkonin drejt qendrës së qytetit. Sot, “Mocha” është kthyer në një pikë takimi për banorët e zonës, por jo vetëm.

'Mocha', modeli i ri i lokalit të lagjes në Shkodër

"Idea e krijimit të Mochës erdhi duke parë që ishte një zonë e madhe, në fakt mes dy lagjeve më te mëdha të qytetit. Dhe mungonte një lokal i tillë si për familje, si për rini, si për fëmijë. U munduam të ndërtonim një lokal që u jepte këto mundësi njerëzve pa patur nevojë te dalin në qendër. U ndërtua mes këtyre lagjeve dhe ka funksionuar mirë sepse shohim që pëlqehet dhe njerëzit vijnë e kthehen sërish. Ne jemi të kënaqur",-tregon menaxheri, Gerald Doçi.

'Mocha', modeli i ri i lokalit të lagjes në Shkodër

Lokali ofron një gamë të gjerë shërbimesh nga bari, piceria, kreperia, piadina dhe pastiçeria, deri tek hapësirat e dedikuara për lojërat e fëmijëve. Kjo e bën atë një ambient funksional për çdo moshë, ku prindërit mund të shijojnë kafen ndërsa fëmijët argëtohen në një hapësirë të sigurt.

"Ka shërbime të shumta nga bari po ashtu piceri, kreperi, piadina, pastiçeri. Lojrat e fëmijëve po ashtu sepse jane tejet të rëndësishme, pasi njerëzit duan një vend argëtues për fëmijët, një vend që të jetë afër pa patur nevojë për të shkuar larg. Mocha, si emër, lidhet më shumë me ngjyrat dhe arkitekturën. Ka ngjyrat e Mochës brenda dhe këtë donim të percillnim",-shprehet Doçi.

Edhe pse çdo fillim është i vështirë,  pritshmëritë janë tejkaluar. Lokali është pritur mirë nga komuniteti dhe tashmë frekuentohet nga të gjitha grupmoshat, nga të moshuarit e lagjes, tek të rinjtë dhe familjet e reja. Gjatë sezonit veror, “Mocha” është frekuentuar edhe nga turistë të huaj, të cilët e zbulojnë përmes rrjeteve sociale dhe vlerësojnë ambientin, mikpritjen dhe ushqimin e freskët të përgatitur çdo ditë.

'Mocha', modeli i ri i lokalit të lagjes në Shkodër

Sot, “Mocha” përfaqëson një model të ri: lokal lagjeje, por me standarde moderne dhe shërbime të shumëllojshme, duke i dhënë zonës një qendër të re sociale dhe argëtuese. Për ata që nuk kanë mundësi ta vizitojnë, ofrohet edhe shërbimi “taxi”, duke e bërë eksperiencën të aksesueshme për të gjithë.

'Mocha', modeli i ri i lokalit të lagjes në Shkodër

"Çdo fillim është i vështirë. Ne si koncept e kishim, por nuk dinim sesi do të pritej. Por realisht u prit mirë dhe jemi te kënaqur. Pjesa e verës është më e përhapur sa i takon turizmit ka shumë të huaj. Na gjejnë nga rrjetet sociale dhe vijnë. Shkodra po frekuentohet shumë dhe turistët e vizitoret gjejnë ambjent të mirë, mikpritës, ushqime cilësore që përgatiten çdo ditë të freskëta. Këto dy lagje tashmë kanë ku ndalen ku të argëtojnë fëmijët. Është lokal i konceptuar për çdo moshë dhe ne i kemi klientët të çdo moshe, që nga të moshuarit te lagjes, por edhe të zonave të tjera që vijnë çdo ditë me pi kafe kemi të rinjë kemi fëmijë. Po ashtu është kuzhina e shpejtë që bën të kalosh një ditë të mirë me ushqim të shijshëm. Ju ftojmë ta provoni 'Mochën' të paktën një herë dhe më pas vlerësojeni ju. Nëse nuk keni mundësi të vini, mund të porosisni sepse kemi edhe shërbimet taxi"-tha Doçi.

Me ngjyrat e saj të ngrohta, ambientin modern dhe gamën e gjerë shërbimesh, Mocha ofron një eksperiencë të plotë që shkon nga kafeja e mëngjesit tek pjatat e freskëta të drekës, nga lojrat e fëmijëve tek ambienti mikpritës për të rriturit. Ky lokal i lagjes është kthyer në një pikë referimi për komunitetin, duke i dhënë zonës një vend ku mund të takohesh, të argëtohesh dhe të shijosh cilësinë pa pasur nevojë të largohesh nga shtëpia, një shembull i qartë se si një ide e thjeshtë mund të transformojë jetën e përditshme të njerëzve./CNA  





Lajmet e fundit nga