web counter
LEXO PA REKLAMA!

SHKARKO APP

App Store
Google Play

E fundit!

x

“Faqedol”, historia e suksesit mes traditës dhe panoramës së Shkodrës

18 Janar 2026, 14:24, Qyteti im CNA

“Faqedol”, historia e suksesit mes traditës dhe panoramës

Pas pandemisë, një ide familjare e lindur mes sakrificash dhe vizioni u kthye në një nga destinacionet më të kërkuara të agroturizmit në zonën e Shkodrës.

“Faqedol”, historia e suksesit mes traditës dhe panoramës

Nga Faqedoli, pamja shpaloset si një kartolinë e gjallë e Shkodrës. Përballë shtrihet lumi Buna, krenare mbi kodër, ngrihet Kalaja e Rozafës, simboli shekullor i historisë dhe qëndresës së qytetit. Në sfond, e gjithë Shkodra vjen në një panoramë mbresëlënëse, ku natyra dhe historia takohen në harmoni të plotë.

“Faqedol”, historia e suksesit mes traditës dhe panoramës

“Faqedol” sot, nuk është thjesht një biznes, por një histori pune, këmbënguljeje dhe dashurie për traditën.

"Pasi mbaroi pandemia, vendosëm të bëjmë një biznes bashkë me vëllezërit. Gjithmonë kemi operuar në fushën e bulmetit dhe thamë të bëjmë diçka tjetër. Në këtë mënyrë lindi Faqedoli, kuptimi i emrit Faqedol është -doli në faqe.Kjo edhe për pamjen panoramike që kemi, pra doli në faqe.Kemi shumë sakrifica por ja dolem. Sakrifica e parë është tek sigurimi i lëndës së parë, toka, fshati, produktet sidomos mishi.Sepse mishin kemi kryesore. Jashtë mishit jemi tek tava e krapit.Çdo gjë këtu është e ndërtuar me gur e dërrasë",-tregon menaxheri Ilirian Digli.

Gjithçka në “Faqedol” është ndërtuar me gur dhe dërrasë, duke ruajtur frymën autentike të zonës. Sakrifica më e madhe ka qenë sigurimi i lëndës së parë: toka, produktet e fshatit dhe sidomos mishi, që përbën edhe boshtin kryesor të menusë. Krahas mishit, një tjetër specialitet i spikatur është ‘Tava e Krapit’, e cila kërkon kohë dhe përkushtim.

“Faqedol”, historia e suksesit mes traditës dhe panoramës

Agroturizmi funksionon ndryshe sipas stinëve. Iliriani tregon se  në dimër, “Faqedoli” frekuentohet kryesisht nga vizitorë vendas, nga Tirana, Durrësi dhe Shkodra. Ndërsa pas 1 majit, panorama ndryshon plotësisht. “Faqedol” tashmë është padyshim destinacion për turistët.

“Faqedol”, historia e suksesit mes traditës dhe panoramës

Të huajt vijnë të mahnitur, fillimisht nga pamja dhe më pas, nga ushqimi. Ata kërkojnë traditë dhe mikpritje, dy elemente që “Faqedoli” i ofron pa kompromis.

"Në dimër më shumë kemi klientë nga Tirana, Durrësi dhe sigurisht shkodranë. Ndërsa pas datës 1 maj, ne kemi të huaj pa fund. Janë mbi 20 tavolina në ditë të huaj. Po ashtu kemi bashkëpunim me hoteleritë, të huajt mahnitën, ata kërkojnë traditën dhe mikpritjen. Që tani kanë nisur te prenotojnë të huajt për verën sepse ata kanë mentalitetin që prenotojnë edhe 6 muaj para. Përshtypja e tyre e parë është pamja e më pas mahniten me ushqimin. Në Shkodër mendoj që hahet mirë edhe ne mundohemi të mbajmë traditën",-shprehet menaxheri.

“Faqedol”, historia e suksesit mes traditës dhe panoramës

Ambiciet e “Faqedolit” nuk ndalen këtu. Objektivi i këtij viti është ndërtimi i disa dhomave akomoduese, për t’i ofruar vizitorëve një përvojë të plotë.

"Objektiv i yni është shtimi i disa dhomave. Kemi marrë 10 dynym tokë, ku e nisem me mbjelljen dhe prodhimin e lëndës së parë. Kam zgjedhur t’i mbjell vetë tokat për të vetmen arsye që të kontrolloj vetë që nga mbjellja e produkteve e deri tek servirja në tavolinë. Me aq tokë se përballojmë dot fluksin, por kemi edhe bashkëpunim me fermerët e zonës. Turistët kërkojnë që të shohin çdo gjë vetë edhe tokat e mbjella. Prandaj për të plotësuar paketën e “Faqedol”-it duhen edhe disa dhoma që njerëzit të kalojnë një ditë ndryshe nga mëngjesi deri në darkë",-tha Digli.

Kuzhina në "Faqedol"  është art më vete. Kuzhinieri Xhevahir Cukali,  tregon se menuja është konceptuar që në ditën e parë mbi bazën e traditës, por me një prekje moderne. Mesoret janë tradicionale dhe unike: djathë i bardhë me mjaltë dhe fara susami, bukë misri me shëllirë dhe krem ulliri, kukurec qengji, tavë dheu, byrek dhe qofte të përgatitura me vezë thëllëze.

“Faqedol”, historia e suksesit mes traditës dhe panoramës

Produktet janë kryesisht të prodhuara vetë, duke e kthyer “Faqedol”-in në një shembull të plotë të agroturizmit autentik.

"Që ditën e parë e kemi ideuar si menu dhe jemi munduar t’i përmbahemi. Agroturizmi do traditcionale dhe këto gjëra jemi munduar t’i modernizojmë. Karekteristikë e “Faqedol”-it është mishi, por nuk kemi anashkaluar as liqenin me ngjalën dhe krapin. Mesoret i kemi tradicionale për të degustuar krijimin tonë. Djathin e bardhë e kemi bërë me mjaltë dhe fara susami, bukën e misrit me shëllirë dhe krem ulliri, kemi kukurecin nga qengji që kërkohet. Tavën e dheut, byrekun, qoftet i bëjmë me vezë thëllëzash. Më e kërkuar, por edhe më shumë kohë na merr tava e krapit dhe mishi. Të huajt ndahen mes peshkut e mishit. Ngjala kërkohet. Kemi pijet tona, që i bejmë vetë, si vera e po ashtu lëngje. Vaj i ullirit është i yni, si dhe raki molle e arre. Çdo produkt po e bëjmë vetë",-tregopn kuzhinieri Xhevahir Cukali.

“Faqedol”, historia e suksesit mes traditës dhe panoramës

“Faqedol” është më shumë se një vend për të ngrënë. Është një përvojë që lidh tokën me tavolinën, traditën me turizmin dhe mikpritjen me identitetin e Shkodrës. Sipërmarrje të tilla janë padyshim pasaporta më e mirë e vendit tonë përballë botës./CNA





Lajmet e fundit nga