web counter
LEXO PA REKLAMA!

SHKARKO APP

App Store
Google Play

E fundit!

x

Ekspozita "Koleksion i Pallatit Yildiz" në Shkodër/ Ambasadori turk: Datojnë që prej 1931, tregues i historisë sonë të përbashkët

10 Dhjetor 2025, 14:38, Qyteti im CNA

Ekspozita "Koleksion i Pallatit Yildiz" në Shkodër/

“Koleksioni fotografik i pallatit Yildiz dhe Shqipëria/Shkodra në këtë koleksion” është ekspozita që u hap në universitetin “Luigj Gurakuqi” në Shkodër.

Ekspozita "Koleksion i Pallatit Yildiz" në Shkodër/

Ambasadori i Turqisë, Tayyar Atay, tha se këto fotografi që datojnë prej 1831 janë një tregues i historisë së përbashkët të të dyja vendeve.

"Ndiej kënaqësi që jam në Shkodër, qytet i motshëm dhe i jashtëzakonshëm. Ekspozita dokumenton pamje të rralla të Shkodrës, si tregues i historisë sonë të përbashkët. Dëshiroj të falënderoj për mikpritjen rektorin Tonin Gjuraj që hapi dyert, për ne është shumë e çmuar. Turqia dhe Shqipëria janë shtete të pavarura, anëtare të NATO-s dhe bashkëpunëtore. Edhe pak përmbush mandatin tim 4-vjeçar në Shqipëri. Të jesh ambasador në një shtet që ka shumë të përbashkëta me Turqinë nga ana sociale e kulturore, për mua është privilegj. Gjatë periudhës sime si ambasador në 2023 u përjetua një tërmet i fuqishëm në Turqi dhe jam dëshmitar se si qeveria dhe populli shqiptar u gjend pranë popullit turk, me një qasje dhe ndjeshmëri të jashtëzakonshme. Ne e shohim të rëndësishme të hershmen tonë të përbashkët, që do të shërbejë për të ardhmen tonë të përbashkët. Bashkëpunimi i dy vendeve tona ndihmon fuqishëm për një të ardhme të suksesshme të përbashkët. Folëm për bashkëpunim mes universiteteve tona. Do ta vëreni një pamje nga Xhamia e Plumbit në ekspozitë, e cila në maj u restaurua dhe iu rikthye si dhuratë popullit shqiptar, vazhdon të jetë si objekt kulti, por do të shërbejë edhe si pikë e hapur turistike për shqiptarët",-u shpreh ambasadori.

Ekspozita "Koleksion i Pallatit Yildiz" në Shkodër/

Rektori i Universitetit të Shkodrës, Tonin Gjuraj, u shpreh se kjo ekspozitë shfaq Shkodrën e vjetër, e cila është pjesë e koleksionit botëror të Perandorisë Osmane.

“Falënderoj ambasadorin e Turqisë në Shqipëri. Kemi privilegj të hapim dyert dhe të presim ekspozitën, ku do të shohim pamje të ekspozuara për Shkodrën dhe Shqipëria është një nga 50 vendet në këtë koleksion. Biseduam me ambasadorin për mundësinë e zgjerimit me universitetet turke. Ka një avancim të jashtëzakonshëm të universiteteve turke. Të ndriçojmë në mënyrë sa më objektive dhe realiste të kaluarën përmes arkivave e kulturës. Janë 922 albume me 37 mijë fotografi dhe pasqyrojnë edhe Shkodrën e atëhershme, rrugët me kalldrëm dhe qytetin si ishte. Ka edhe pamje të tjera të rëndësishme, natyrisht nën Perandorinë Osmane. Koleksioni është kaq i rëndësishëm sa në raport me trashëgiminë vizuale, bëri që në 2023 në regjistrin kombëtar të botës të regjistrohet në UNESCO. Ka të bëjë me kujtesën e botës, ka të bëjë me trashgiminë tonë kulturore, që është e rëndësishme. Ambasadori, në vitin 2026, do të jetë i ftuar special në një leksion me studentë dhe pedagogë dhe do të forcojmë bashkëpunimin edhe me universitetet turke sepse ky vend ka shënuar një progres të madh dekadën e fundit. Falënderoj edhe dy kumtueset që kanë ardhur nga dy universitete të rëndësishme të Turqisë”,-tha Gjuraj.

Rreth 200 fotografi që i përkasin Shkodrës nga 37 mijë në total që ka “Koleksioni i Pallatit Fotografik Yildiz” paraqesin të gjithë qytetin e atëhershëm, bashkë me objekte të ndryshme me vlera të mëdha historike.

Ekspozita "Koleksion i Pallatit Yildiz" në Shkodër/

Fotografitë kanë nisur në kohën e Sulltan Abdyl Hamid, ndërsa më pas u morën në mbrojtje deri në kohën e Ataturkut. Fotografitë janë studiuar nga dy pedagoget turke Melek Ozyetgin dhe Ayse Ersay Yuksel, të cilat ishin të pranishme në Shkodër duke mbajtur edhe një kumtesë në universitet./CNA





Lajmet e fundit nga