web counter
LEXO PA REKLAMA!

SHKARKO APP

App Store
Google Play

E fundit!

x

Sezoni i shirave/ Vijon puna për pastrimin e kanalit kullues në Bahçallëk pas 30 vitesh

8 Nëntor 2025, 15:59, Qyteti im CNA


E diela dhe fillim java pritet të sjellin reshje intensive shiu në Qarkun e Shkodrës. Për të shmangur problematika të mundshme, në Bahçallëk po vijon puna për pastrimin e kanalit kryesor kullues, i cili kishte mbetur i bllokuar prej më shumë se 30 vitesh, duke shkaktuar shqetësime të përsëritura me përmbytjet sa herë binin reshje.

Sezoni i shirave/ Vijon puna për pastrimin e kanalit kullues në

Ndërhyrja synon të rikthejë funksionalitetin e plotë të këtij kanali jetik për zonën, si pjesë e përpjekjeve për përmirësimin e sistemit të kullimit në territorin e Bashkisë Shkodër.

“Bashkia Shkodër në bashkëpunim me bordin e kullimit në Lezhë, po bëjmë pastrimin e këtij kanali, që kishte vite e vite pa u pastruar. Kjo ndërhyrje do të eleminojë si permbytjet gjatë reshjeve që dalin tek harku i Bërdicës, por edhe akumulimin e ujit. Ky pastrim u kërkua ndër vite nga ana e banorëve”,-tha Xhavit Pellumbi nga Drejtoria e Bujqësësisë, Bashkia Shkodër.

“Morëm një mjet nga bordi i kullimit në Lezhë. Ky është një kanal i rëndësishëm sepse përfshin edhe pjesën e Bahçallëkut, por edhe të Berdicës. Pastrimi i kanalit do bëjë një pastrim të plotë të zonës. Apelojmë drejt banorëve që të mos hedhin mbeturina afër kanaleve sepse edhe në vjeshtë pamë që na shkaktuan shumë probleme nga bllokimi i mbetjeve”,-tha Muhamet Muça, Përgjegjës, Ndërmarrja e Shërbimeve dhe Punëve Publike.

Brenda pak ditësh pritet të përfundojë pastrimi i plotë dhe të realizohet lidhja me rrjetin e kullimit në zonën e Bërdicës.

Sezoni i shirave/ Vijon puna për pastrimin e kanalit kullues në

Kjo do të mundësojë shkarkimin e ujërave në mënyrë të kontrolluar dhe do t’i japë fund një problematike të mbartur prej dekadash, duke iu përgjigjur edhe një kërkese të kahershme të banorëve të zonës./CNA

 

 





Lajmet e fundit nga