web counter
LEXO PA REKLAMA!

SHKARKO APP

App Store
Google Play

E fundit!

x

Edicioni i tetë/ Mbahet në Kolonjë “Kolonia e Piktorëve”

1 Nëntor 2025, 11:08, Qyteti im CNA

Edicioni i tetë/ Mbahet në Kolonjë “Kolonia e

Mbi 45 piktorë nga trojet shqipfolëse për tri ditë do të pikturojnë atraksionet turistike dhe pamjet më të veçanta që kjo krahinë fal. Sipas tyre, vjeshta e Kolonjës këtë herë është magjike dhe rri mirë në telajo.

"Jam Pashk Pervathi nga Lezha, është e disata herë që vij në Kolonjë. Kam ardhur në Koloni, por edhe privatisht sepse Kolonja më pëlqen shumë. Më pëlqen relievi, Gramozi, si skulpturë në natyrë, e kam pikturuar disa herë, e kam në koleksionin tim të veçantë. Vjeshta këtë vit është më mirë sesa Korça, sesa Pogradeci, jemi ngulur këtu dhe po kënaqemi. "

"Gjithmonë çdo vit që vijmë është më bukur se vitet e tjera, vijmë me dëshirë për të hedhur momente në telajo".

“Po pikturoj malin e Gramozit dhe Ersekën."

"Kolonja ka plot peizazhe të bukura, që nga Qafa e Qarrit e deri në Leskovik. Sot po pikturoj kishën e Borovës. U fiksova sot këtu. Kemi rrëzë Starjes, në Rehovë ka shumë, Borovë, Shelegur e shumë të tjera."

"E shkëlqyer vjeshta në Kolonjë, gjithmonë e bukur. Vijmë me qejf."

"Vjeshta është shumë e bukur, tani është në momentin më pikant të saj dhe kolonia ka ardhur në momentin më të përshtatshëm."

Fatmir Toçi, kurator i kësaj kolonie, tregon se tanimë është bërë traditë që dhjetëra piktorë të qëndrojnë gjatë vjeshtës në Kolonjë, ndërsa të tilla aktivitete shërbejnë edhe për promovimin e zonës.

"Pra, mund të jetë edicioni i 8-të në krahinën e Kolonjës. Tashmë është bërë e zakonshme ku 45 piktorë nga të gjitha trevat shqiptare, jo vetëm nga Shqipëria e Kosova, por edhe Maqedonia e Mali i Zi, duke dhënë kontributin e tyre, në promovimin e kësaj krahine, me mendimin që arti këtë herë është në shërbim të zhvillimeve turistike dhe do të ndihmojë në gjithçka".

Disa prej pikturave të realizuara do t'i dhurohen fondit të galerisë së arteve në Kolonjë./ CNA





Lajmet e fundit nga