E fundit!

20:10 Aktualitet

Fjalimet para Kryeministrisë/ Protestuesi: Pushtetarët janë tmerruar, nuk gjejnë vend ku të futen

Pas grumbullimit në qendër të Tiranës dhe vendosjes para g...

Rehabilitimi i varrezave të Pukës/ Dodaj: Investimi vjen në bashkëpunim me këshillin e Qarkut Shkodër

15 Nëntor 2025, 14:34, Qyteti im CNA

Rehabilitimi i varrezave të Pukës/ Dodaj: Investimi vjen në

Kryetari i këshillit të Qarkut Shkodër, Edmond Ndou, i shoqëruar nga kryebashkiaku i Pukës Rrok Dodaj, inspektuan punimet e projektit “Rehabilitimi dhe Zgjerimi i Varrezave Publike të Qytetit të Pukës”.

Investimi vjen si kërkesë e komunitetit të zonës, pasi varrezat publike të Pukës kanë një numër të kufizuar parcelash të lira, gjë që ka sjellë vështirësi për shumë familje në momentet më të ndjeshme të jetës.

Përmes këtij investimi, krijohet një hapësirë e denjë, e sistemuar dhe e sigurt, ku qytetarët të kenë mundësi të kryejnë shërbimet funerare.

“Është një bashkëpunim shumë i mirë mes këshillit të Qarkut dhe Bashkisë Pukë në një ambient social sepse ishte i domosdoshëm rehabilitimi i këtyre varresave publike të qytetit. Lëvizja për në varreza do të jetë më e thjeshtë tashmë. Ky ështe respekt edhe ndaj atyre që nuk jetojnë më”, tha Ndou.

“Investim i domosdoshëm dhe i pritur. Kujdesi është virtyt dhe ne po e bëjmë në bashkëpunim edhe me këshillin e qarkut. Nuk do të lejojmë më që varret të kthehen në vende për bagëtitë siç ka qenë më parë. Do kujdesemi që të kemi edhe bashkëpunime të tjera”, tha Dodaj.

Punimet përfshijnë rrethimin e territorit, sistemimin dhe nivelimin e terrenit, ndërtimin e rrugëve për këmbësorë, si dhe zgjerimin e parcelave për t’iu përgjigjur nevojave të ardhshme.

Ky projekt është pjesë e një pakete investimesh që këshilli i qarkut po kryen me 5 bashkitë e qarkut Shkodër me fokus për të përmirësuar infrastrukturën publike dhe për t’i dhënë komunitetit shërbime me standarde më të larta./CNA