web counter
LEXO PA REKLAMA!

SHKARKO APP

App Store
Google Play

E fundit!

x

Shije europiane, zemër shqiptare/ “Tempulli i Shijes” në Shkodër

20 Dhjetor 2025, 18:25, Qyteti im CNA

Shije europiane, zemër shqiptare/ “Tempulli i Shijes” në

“Tempulli i Shijes” nuk është thjesht një restorant, por një histori pasioni, pune dhe kthimi në rrënjë. Një hapësirë ku përvoja europiane ndërthuret me traditën shqiptare, ku çdo pjatë gatuhet me kujdes e pasion.

Arseni e nisi rrugëtimin e tij drejt kuzhinës që në moshën 13 vjeçare. E sot pas shume vitesh emigrim dhe punë në retorante brenda e jashtë vendit, ka vendosur të ketë "Tempullin e tij"

"Në moshën 13 vjeçare kisha qef me punu në guzhinë, e kisha pasion dhe i ndihmoja nënës më ba me hangër. Më pas vendosme me u kthy në Shqipëri e me punu në Shkodër. Ka 5 vite që jam rikthy? Pas një eksperience të gjatë në Europë vemdosme me u kthy e me punu këtu. Nisëm bashkë më familjen dhe hapme një biznes rrugës së Shiromës.Kemi punuar shumë vite në Europë më përpara në Gjermani, Francë, Belgjikë. Ika me mendjen se ky vend nuk bëhët dhe u ktheva me idenë se askush nuk vjen me e ba vendin tënd.Është e vështirë por unë e mora këtë vendim. Sepse njerëzit kanë nevojë për një vend ku hahet mirë eshte ka rehati. Jemi munduar të krijojmë një vend familjar. Doja të shkeputesha prej idesë që duhët të varem nga dikush tjetër dhe me këtë ide thamë të bejmë dicka tonën", shprehet shefi i kuzhinës, Arsen Hyseni.

Me një menu të përzgjedhur, të fokusuar tek gatimet tradicionale të mishit dhe peshkut, produkte të egra dhe shije autentike, restoranti ofron cilësi të pandryshueshme dhe çmime të arsyeshme për çdo shtresë.

"Tek Tempulli i shijes kemi futur të dyja llojet edhe mishin edhe peshkun. Duke qënë se kemi eksperiencë në të dy llojet nuk doja me i lanë gja mangut as mishit e as peshkut. Menyja është e reduktuar sepse nuk doja të beja eksperimente por tradiconale. Duke qenë se biznesi është familjar jemi munduar të rrijmë tek tradita. Tek mishi e peshku kemi produkte te egra, jemi lidhur me peshkatarët kemi sjellë produkte te egra si të mishit edhe të peshkut. Tek mishi kemi bërxollën, shpatullën e qingjit. Duam të kemo menu me çmime mesatare por ama cilësinë nuk e ndërroj sepse kjo me ka rrit. Produktet e detit janë më të kërkuarat.Sidomos klientët nga Tirana duan gjëra deti e liqeni, edhe Shkodranët dihet. Kemi pas edhe nga Mali i zi shumë nga Gjermania, Hollanda nga e gjithe Europa. Ata hanë me lehtë se ne por u pëlqen shija dhe mikpritja. Pamjen e ka të veçante sepse shihet Liqeni, Shkodra. Ndërsa tek ushqimi jane fanatik të traditës.Kemi krijuar klientelë nga çdo shtresë. Mirnjohës atyre që kanë ardhur aty ku unë isha shef kuzhine dhe vijnë edhe tani që unë jam krijues e menaxhues i ketij restoranti.Tani ata e dinë se ku me gjejnë. Kur erdha nga jashtë më beri pershtypje shumë emri dhe isha rikthy me idenë me pas dicka timën ndaj u ndala ketu për të bërë ndryshim", tregon Hyseni.

Vendet ku Arseni ka jetuar kanë lënë gjurmë tek ai jo vetëm në profesion por edhe arredim. E sot ka vendosur që "Tempulli i shijes" të jetë edhe " Tempull i vendeve ku ai ka jetuar"

"Mendova që në arredim të sjell diçka nga vendet ku unë kam ndenjur. Është një pjesë e Toskanës që përfshin pjesën e xhamave, lulet nga Hollanda, ngjyrat Gjermane të ftohta edhe Gatimet Franceze e po ashtu Shqiptare. Me traditë e mikpritje jemi Shqiptare”, shprehet ai.

Pamja panoramike nga Liqeni i Shkodrës, ambienti familjar dhe mikpritja e ngrohtë e bëjnë “Tempullin e Shijes” një destinacion të veçantë jo vetëm për shkodranët, por edhe për vizitorët nga Tirana, Mali i Zi dhe vende të ndryshme të Europës. Një vend ku kthehesh jo vetëm për ushqimin, por për ndjesinë e shtëpisë, për shijen që të kujton traditën dhe për cilësinë që nuk bëhet kompromis.

"Në fundvit vijnë shumë emigrantë që vijnë me kalu festat. Unë shpresoj të vijnë e të mos ikin më sepse ska si vendi yt. Bashkia ka investuar e qyteti ka ndryshuar. Ka më shume turistë, jo vetëm në Bashki por edhe në pjesë të tjera. Në fundit po shohim të bëjmë një organizim sepse duam që me miq të kalojmë bukur në restorantin tonë", thotë shefi.

“Tempulli i Shijes” synon të vijojë të jetë një pikë takimi, ku ushqimi, tradita dhe njerëzit bashkohen për të kaluar momente të bukura, në një ambient familjar dhe mikpritës.Për këto që dëshiron të kënaqë syrin me pamjen magjike të Liqenit të Shkodrës, por edhe të shijojë gatimet e detit "Tempulli i shijës" iu pret në mes të Shkodrës e Shirokës. /CNA





Lajmet e fundit nga