web counter
LEXO PA REKLAMA!

SHKARKO APP

App Store
Google Play

E fundit!

x

Konkursi i Gjuhës Shqipe në Shkodër/ Kadija: Po cenohet nga gjuhët e huaja dhe teknologjia

3 Shkurt 2026, 15:11, Qyteti im CNA


Ndikimi gjithnjë në rritje i gjuhëve të huaja, si edhe përdorimi i shkurtimeve në komunikimin online, po cenojnë ndjeshëm mënyrën e të shkruarit dhe të shprehurit në gjuhën shqipe, sidomos te të rinjtë. Përballë këtij realiteti, në Shkodër ka nisur Konkursi i Gjuhës Shqipe, një aktivitet që zhvillohet njëkohësisht në të gjithë vendin, me synimin për të nxitur ndërgjegjësimin dhe kujdesin ndaj gjuhës amtare.

Konkursi i Gjuhës Shqipe në Shkodër/ Kadija: Po cenohet nga

Drejtoresha e Zyrës Vendore të Arsimit Shkodër, Brisela Kadia, theksoi se mbrojtja e pastërtisë së gjuhës shqipe kërkon angazhim të vazhdueshëm, duke vënë në dukje se komunikimi i pakontrolluar, veçanërisht në rrjetet sociale dhe gjuhët e huaja kanë ndikim të drejtpërdrejtë në deformimin e saj.

"Qëllimi kryesor i konkursit është rëndësia e gjuhës shqipe. Ajo është identitet kombëtar dhe përmes saj përçohen vlera, mesazhe dhe nxënësit komunikojnë me njëri-tjetrin. Zhvillimet teknologjike na imponojnë që nxënësve tanë t’ua mësojmë për ta shkruar mirë çdo fjalë të gjuhës shqipe në mënyrë që të mos cenohet asnjë komunikim, qoftë as në rrjete sociale. Ditët e sotme, ruajtja e gjuhës shqipe mbetet sfidë, ndaj edhe qëllimi i këtij konkursi mbetet ruajtja e gjuhës sonë. Sfida vjen edhe nga gjuhët e huaja që nxënësit i flasin shumë, ndaj edhe nevoja për gjuhën shqipe dhe ruajtjen e saj është nevojë emergjente",-tha Kadija.

Konkursi i Gjuhës Shqipe në Shkodër/ Kadija: Po cenohet nga

Nga ana tjetër, nxënësit pjesëmarrës pranojnë se ndikimi i teknologjisë dhe i gjuhëve të huaja është i pashmangshëm, por shprehen se konkurse dhe aktivitete të tilla i ndihmojnë të reflektojnë dhe të tregojnë më shumë përgjegjësi në përdorimin e gjuhës shqipe.

"Është hera e parë që marr pjesë sepse është eksperiencë e mirë. Është pak problem shkrimi saktë i gjuhës shqipe, për shkak edhe të gjuhës së huaj. Gjuha permes mesazheve mund edhe të keqkuptohet ndaj edhe shkrimi saktë i gjuhës është i rëndësishëm",-tha një nxënës.

"Ruajtja e gjuhës shqipe është vështirësuar në vitet e fundit, jo vetëm për shkak të shkurtimeve, përdorimit të emoj-it, por edhe për faktin e perdorimit të gjuhës angleze dhe përdorimin e gjërë të saj. Mendoj që gjuha jonë rrezikon",-shprehet një nga nxënëset.

"Kur përdorim gjuhë të huaj, shumë fjalë transformohen. Mendoj që konkurse të tilla janë të nevojshme. Edhe unë vetë përdor fjalë të huaja, edhe pse e di që nuk duhet, por mendoj që secili prej nesh të kontribuojë",-tregon një nxënës tjetër.

Konkursi i Gjuhës Shqipe në Shkodër është një nismë që organizohet prej vitesh dhe synon të forcojë lidhjen e nxënësve me gjuhën amtare, në një kohë kur komunikimi digjital po transformon shpejt mënyrat e të shprehurit dhe po sfidon standardin e gjuhës shqipe./CNA





Lajmet e fundit nga