E fundit!

07:35 Politikë

Rama intervistë për CNN/ Përplaset me gazetaren për Zvërnecin: Duhet të më dëgjoni, sepse nuk ka projekt

Kryeministri Edi Rama ka dhënë një intervistë për CNN Inte...

Kalendar historik/ Çfarë ka ndodhur më 3 tetor?

3 Tetor 2023, 08:42, Blog CNA

Kalendar historik/ Çfarë ka ndodhur më 3 tetor?

Foto ilustruese

1990 - Gjermania Lindore dhe ajo Perëndimore ribashkohen pas 45 vjetësh

Në më pak se një vit pas rrëzimit të Muri i Berlinit, Gjermania Lindore dhe Perëndimore ribashkohen në atë që kremtohet çdo vit si “Dita e Unitetit”.

Që nga viti 1945, kur trupat sovjetike pushtuan Gjermaninë Lindore, Shtetet e Bashkuara dhe forcat e tjera aleate pushtuan gjysmën perëndimore të kombit në fund të Luftës së Dytë Botërore, Gjermania e ndarë u shndërrua në një nga simbolet më jetëgjata të Luftës së Ftohtë.

Disa nga episodet më dramatike të Luftës së Ftohtë, ndodhën pikërisht atje. Bllokada e Berlinit (qershor 1948 - maj 1949), gjatë së cilës Bashkimi Sovjetik pengoi të gjithë transportin tokësor në Berlinin Perëndimor, dhe ndërtimi i Murit të Berlinit në vitin 1961, ishin ndoshta ngjarjet më të famshme.

Me rënien graduale të fuqisë sovjetike në fundin e viteve 1980, Partia Komuniste në Gjermaninë Lindore filloi të humbiste kontrollin e saj mbi pushtetin. Dhjetëra mijëra gjermano-lindorë filluan të arratisen, dhe në fundin e vitit 1989 Muri i Berlinit ra.

Menjëherë pas këtij akti, nisën bisedimet midis zyrtarëve të Gjermanisë Lindore dhe Perëndimore, të cilave iu bashkuan zyrtarë të Shteteve të Bashkuara të Amerikës, Britanisë së Madhe, Francës dhe Bashkimit Sovjetik, ku u shqyrtua mundësia e ribashkimit.

Dy muaj pas ribashkimit, u zhvilluan zgjedhjet parlamentare dhe Helmut Kol u bë kancelari i parë i Gjermanisë së ribashkuar.

Kalendar historik/ Çfarë ka ndodhur më 3 tetor?

Ndonëse ky proces ndodhi më shumë se një vit përpara shpërbërjes së Bashkimit Sovjetik, për shumë vëzhgues ribashkimi i Gjermanisë shënoi efektivisht edhe fundin e Luftës së Ftohtë.

Ngjarje të tjera të rëndësishme:

1739 - Perandoria Ruse nënshkruan një traktat me Perandorinë Osmane, duke i dhënë fund një konflikti 3-vjeçar midis tyre.

1863 - Presidenti amerikan Abraham Linkoln, shpalli të enjten e fundit të nëntorit si Ditën Kombëtare të Falënderimeve. Ajo është ende sot festa më popullore në SHBA.

1908 - Leon Trocki, Adolf Jofe, Matvei Skobelev dhe emigrantë të tjerë rusë në Vjenë, themelojnë gazetën “Pravda” (E Vërteta), që do të ishte për shumë dekada organi zyrtar i Partisë Komuniste të Bashkimit Sovjetik.

1929 - Themelohet Mbretëria Jugosllave ose “Toka e Sllavëve të Jugut”. Ajo përfshinte rajonet e Serbisë, Malit të Zi, Sllovenisë, Kroacisë, Bosnjës dhe Hercegovinës dhe Maqedonisë. Më herët njihej si Mbretëria e Serbëve, Kroatëve dhe Sllovenëve, e krijuar më 1 dhjetor 1918.

1942 - Ushtria naziste në Gjermani lëshon me sukses një raketë V-2/A4 nga qendra e saj e testimeve në Pinemunde. Raketa ishte objekti i parë i ndërtuar nga njeriu që mbërriti në hapësirë.

1952 - Pas SHBA-së dhe Bashkimit Sovjetik, Britania e Madhe bëhet vendi i tretë që teston bombën e saj të parë bërthamore. Operacioni i koduar “Uragani” u zhvillua në afërsi të Ishujve Montebello në Australinë Perëndimore.

1989 - Në Panama, dështon një grusht shteti i ushtarakëve të drejtuar nga Manuel Noriega.

1993 - Zhvillohet Beteja e Mogadishos, gjatë së cilës 18 ushtarë amerikanë dhe rreth 1.000 somalezë u vranë gjatë përpjekjes për të kapur kreun e trupave rebele, Muhamed Farrah./ Përshtatur nga CNA