web counter
LEXO PA REKLAMA!

SHKARKO APP

App Store
Google Play

E fundit!

x

KFOR, i pranishëm në aksion/ Zbulohet baza e armatimit në Zveçan të Kosovës, u përket kriminelëve serbë

5 Shtator 2023, 14:59, Aktualitet CNA

KFOR, i pranishëm në aksion/ Zbulohet baza e armatimit në

Një bazë armatimi është zbuluar në Zveçan të Kosovës. Lajmin e bëri të ditur Ministri i Punëve të Brendshme, Xhelal Sveçla.

Sveçla tha se policia ka zhvilluar një bastisje në një bazë të armatimit në një shtëpi në Zveçan.

Shtëpia është përdorur për grumbullim dhe shpërndarje të armatimit për grupet kriminale serbe.

Ministri thotë se kontrabandimi, hyrja ilegalisht e mallrave e armëve në Kosovë, ka prodhuar situatë shqetësuese edhe për qytetarët në veri, të cilët të përballur me fuqinë e kriminelëve kanë jetuar nën shantazh e presion të vazhdueshëm”.

“Si Qeveri, gjatë 2 viteve të fundit, kemi zbuluar e bllokuar rrugët ilegale të kontrabandimit. Ditën e sotme, Policia e Kosovës së bashku me institucionet e inteligjencës, pas identifikimit, ka zhvilluar bastisje në një bazë të armatimit në veriun e Kosovës, konkretisht në Zveçan. Kjo shtëpi është përdorur për grumbullim dhe shpërndarje të armatimit për grupet kriminale serbe.”, u shpreh ai.

Deri më tani është zbuluar një sasi e madhe e armatimit, duke përfshirë armë automatike, fishekë, granata dore dhe eksploziv.

Në vendin e ngjarjes, përveç institucioneve të sigurisë, kanë qenë të pranishëm edhe përfaqësues të KFOR-it./ CNA

 





Lajmet e fundit nga