LEXO PA REKLAMA!

SHKARKO APP

Transportonin emigrantë kundrejt shumës prej pagesës 600 euro/ Arresohen 4 persona

5 Shtator 2023, 13:51, Aktualitet CNA

Transportonin emigrantë kundrejt shumës prej pagesës 600 euro/

Katër persona kanë rënë në prangat e policisë pasi u kapën në flagrancë duke transportuar 7 emigrantë, kundrejt pagesës 600 euro për person, me qëllim që të kalonin kufirin në mënyrë të paligjshme.

Falë operacionit policor të koduar "Pararoja 3  u bë arrestimi në flagrancë i shtetasve R. D., 27 vjeç, E. Gj., 24 vjeç, A. K., 27 vjeç, dhe M. B., 46 vjeç, të katërt banues në Tiranë.

Gjithashtu, u shpall në kërkim organizatori i kësaj veprimtarie kriminale, shtetasi D. Q., 38 vjeç.

Shtetasit e arrestuar janë kapur në flagrancë nga shërbimet e Policisë, në Vorë, duke transportuar me 2 automjete, 7 emigrantë, të cilëve, kundrejt pagesës 600 euro për person, iu kishin premtuar transportimin nga Konispoli në drejtim të Shkodrës dhe Kukësit, me qëllim kalimin e tyre në pikën kufitare me Malin e Zi dhe Kosovën, me destinacion final vendet e BE-së.   

Nga verifikimet e kryera ka rezultuar se shtetasi R. D., ka shkelur masën e sigurisë "Arrest në shtëpi".

Në vijim të veprimeve u proceduan penalisht 7 emigrantët e paligjshëm, për veprën penale "Kalimi i paligjshëm i kufirit shtetëror". 

Vijon puna për kapjen e organizatorit të kësaj veprimtarie kriminale.

Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme./ CNA

Lajmet e fundit nga