web counter
LEXO PA REKLAMA!

SHKARKO APP

App Store
Google Play

Ishte në kërkim për vrasje të mbetur në tentativë/ 30-vjeçari shkodran arrestohet në Vlorë

5 Shtator 2023, 12:33, Aktualitet CNA
Ishte në kërkim për vrasje të mbetur në tentativë/
Momenti i arrestimit

Një 30-vjeçar i shpallur në kërkim për vrasje me dashje mbetur në tentativë dhe armëmbajtje pa leje është vënë në prangat e policisë.

Në kuadër të operacionit të koduar "Wanted" u bë arrestimi i shtetasit Arian Armani alias Eljfat Saljiu, 30 vjeç, banues në Shkodër.

Në aksin rrugor Fushë Krujë - Vorë, i kanë bërë shenjë ndalimi automjetit të dyshuar me drejtues shtetasin E. L., dhe pasagjer Arian Armani alias Eljfat Saljiu, por drejtuesi i tij nuk u është bindur urdhrave të punonjësve të Policisë dhe ka vijuar lëvizjen në drejtim të Vorës. Gjatë ndjekjes, nga automjeti ka zbritur Arian Armani alias Eljfat Saljiu, ndërsa drejtuesi i automjetit së bashku me automjetin janë larguar. 

Arian Armani alias Eljfat Saljiu, ka tentuar të largohet dhe të fshihet në ambientet e një hoteli në Vorë, dhe falë veprimeve të shpejta të shërbimeve të Policisë, është bërë kapja e tij në ambientet e hotelit.

Gjatë kontrollit në ambientin e hotelit ku ky shtetas ka tentuar të fshihej, u gjet një armë zjarri pistoletë me municion luftarak.

Pas verifikimeve të kryera ka rezultuar se 30-vjeçari i arrestuar, ishte i shpallur në kërkim pasi Gjykata e Apelit Shkodër, i ka caktuar masën e sigurisë “Arrest në burg” për veprat penale "Vrasje me dashje” e mbetur në tentativë, dhe “Prodhim dhe mbajtje pa leje e armëve të zjarrit dhe municionit”.

Vijon puna për kapjen e shtetasit E. L. 27 vjeç, banues në Shkodër.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale./ CNA





Lajmet e fundit nga