web counter
LEXO PA REKLAMA!

SHKARKO APP

App Store
Google Play

E fundit!

x

U gjet e pajetë në banesë/ 37-vjeçarja u vra me thikë nga motra, arrestohet autorja

3 Shtator 2023, 09:16, Kronika CNA

U gjet e pajetë në banesë/ 37-vjeçarja u vra me thikë

Policia ka zbardhur vrasjen e qytetares, e cila u gjet e pajetë në banesën e saj te “Rruga e Kavajës”.

Policia është njoftuar rreth orës 23:40 të mbrëmjes së djeshme, se shtetasja A. P., 37 vjeçe, kishte ndërruar jetë për shkaqe natyrale.

Por pas konstatimit të trupit të pajetë të shtetases 37-vjeçare, kanë vijuar veprimet hetimore të thelluara në lidhje me rastin, për të bërë të mundur zbardhjen e rrethanave të ngjarjes.

Nga autopsia ka rezultuar se viktima ka ndërruar jetë si pasojë e plagëve të marra nga një mjet prerës.

Në vijim të veprimeve, specialistët e Sektorit për Hetimin e Krimeve të Rënda arrestuan shtetasen M. P., 40 vjeç, (motrën e saj), banuese në Tiranë, për veprën penale "Vrasja për shkak të marrëdhënieve familjare", pasi ditën e djeshme, gjatë një konflikti ka goditur me mjet prerës shtetasen A. P., e cila si pasojë e plagëve të marra, ka ndërruar jetë.

Ndërkohë, materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale./ CNA





Lajmet e fundit nga