web counter
LEXO PA REKLAMA!

SHKARKO APP

App Store
Google Play

Detaje nga plagosja/ I moshuari u qëllua me thikë nga një 21-vjeçare

31 Gusht 2023, 22:46, Kronika CNA
Detaje nga plagosja/ I moshuari u qëllua me thikë nga një
Foto ilustruese

Policia ka zbardhur detajet e para nga plagosja me thikë në Vaun e Dejës.

Blutë bëjnë me dije se i plagosuri është identifikuar si shtetasi me iniciale Z. P., 68 vjeç.

Ai është qëlluar ne thikë nga një 21-vjeçare dhe më pas është dërguar në Spitalin Rajonal të Shkodrës.

Autorja është shoqëruar nga shërbimet e policisë në Komisariatin e Vaut të Dejës.

Nga informacionet paraprake, ende nuk bëhen me dije shkaqet dhe rrethanat e plagosjes, ndërsa kanë nisur hetimet për zbardhjen e ngjarjes.

“Rreth orës 21:30, në urgjencën e Spitalit Rajonal Shkodër ka mbërritur për ndihmë mjekësore shtetasi Z. P., 68 vjeç, banues në  Vaun e Dejës, i plagosur  me mjet prerës (thikë).

Shërbimet e Policisë kanë reaguar menjëherë, duke identifikuar dhe kapur autoren e dyshuar të plagosjes, një 21-vjeçare, banuese në Vaun e Dejës, e cila po shoqërohet në Komisariatin e Policisë Vau i Dejës, për veprime të mëtejshme.

Grupi hetimor nën drejtimin e Prokurorit po punon për sqarimin e rrethanave të sakta të ngjarjes dhe dokumentimin ligjor të këtij rasti”, thuhet në njoftimin e policisë./ CNA





Lajmet e fundit nga