Policia Rrugore bën “reprezale”/ Dhjetëra të arrestuar e mijëra të ndëshkuar në një javë

29 Gusht 2023, 13:58, Kronika CNA

Policia Rrugore bën “reprezale”/ Dhjetëra të

Policia Rrugore ka bërë me dije se gjatë javës që lamë pas 28 shtetas janë arrestuar ose proceduar në gjendje të lirë, për drejtim automjeti në gjendje të dehur ose pa leje drejtimi, si dhe për shkelje të rregullave të qarkullimit rrugor.

Ndër të tjera, blutë bëjnë me dije se janë ndëshkuar me masë administrative 648 drejtues mjetesh, për përdorim të celularit gjatë drejtimit të mjeteve, 432 drejtues mjetesh për mosdhënie përparësie këmbësorëve, në vija të bardha, 557 drejtues mjetesh për mosvendosje të rripit të sigurimit.

Po ashtu, janë vendosur 660 masa administrative, për mosvendosje të kaskës mbrojtëse, nga drejtuesit e motomjeteve, 78 masa administrative, për mospërdorimin e monopatinave në vendet e duhura, 138 masa administrative, për këmbësorët që shkelin rregullat e qarkullimit rrugor si dhe janë bllokuar 15 automjete, për detyrime të pashlyera, mungesë dokumentacioni dhe për verifikime, nga Seksioni i Trafiqeve të Paligjshme në DVP Tiranë.

"Vijojnë kontrollet e shtuara në të gjitha akset rrugore, për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore, si dhe për rritjen e parametrave të sigurisë rrugore, në kryeqytet.

Gjatë javës që lamë pas, 28 shtetas janë arrestuar ose proceduar në gjendje të lirë, për drejtim automjeti, në gjendje të dehur ose pa leje drejtimi, si dhe për shkelje të rregullave të qarkullimit rrugor.

Janë ndëshkuar me masë administrative 648 drejtues mjetesh, për përdorim të celularit gjatë drejtimit të mjeteve.

432 drejtues mjetesh janë ndëshkuar për mosdhënie përparësie këmbësorëve, në vija të bardha.

557 drejtues mjetesh janë ndëshkuar për mosvendosje të rripit të sigurimit.

Janë vendosur 660 masa administrative, për mosvendosje të kaskës mbrojtëse, nga drejtuesit e motomjeteve.

Janë vendosur 78 masa administrative, për mospërdorimin e monopatinave në vendet e duhura.

Janë vendosur 138 masa administrative, për këmbësorët që shkelin rregullat e qarkullimit rrugor.

Janë bllokuar 15 automjete, për detyrime të pashlyera, mungesë dokumentacioni dhe për verifikime, nga Seksioni i Trafiqeve të Paligjshme në DVP Tiranë."/CNA